பிரான்சில் 2026ஆம் ஆண்டுக்கான சமூக பாதுகாப்பு நிதி சட்டத்தின் கீழ் சுகாதார கூடுதல் காப்பீட்டு நிறுவனங்கள் (mutuelles) தங்களது கட்டணங்களை உயர்த்தாமல் இருக்க வேண்டும் என்ற கட்டுப்பாடு இருந்தபோதிலும் பெரும்பாலான நிறுவனங்கள் அதனை பின்பற்றவில்லை.

ஒரு பெரிய ஆய்வின் படி இந்த ஆண்டில் காப்பீட்டு கட்டணங்கள் சராசரியாக 106 யூரோ வரை அதிகரித்துள்ளன. இந்த ஆய்வில் கலந்து கொண்டவர்களில் சுமார் 98% பேர் தங்களது mutuelle கட்டணங்கள் உயர்ந்ததாக தெரிவித்துள்ளனர். சிலருக்கு இது மிகவும் அதிகமாக இருந்தது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

தனிநபர்களுக்கு ஆண்டுக்கு சில யூரோக்களிலிருந்து ஆயிரக்கணக்கான யூரோக்கள் வரை உயர்வு ஏற்பட்டுள்ளது. மேலும் தம்பதிகளுக்கு சராசரியாக 198 யூரோ வரை அதிகரிப்பு பதிவாகியுள்ளது.

இந்த உயர்வுகள் அதிக கவலைக்குரியது ஏனெனில் mutuelle காப்பீட்டு செலவுகள் ஏற்கனவே உயர்ந்த நிலையில் இருந்தன அதே சமயம் அரசாங்கம் கட்டணங்களை உறையவைக்க முயன்றிருந்தாலும் கூடுதல் சுகாதாரச் செலவுகள் மற்றும் அமைப்புகளின் நிதி அழுத்தங்கள் காரணமாக இந்த உயர்வுகள் ஏற்பட்டதாக கூறப்படுகிறது.