மாணவர்களுக்கு கிடைக்கும் புதிய வசதிகள்
புதிய அட்டையைப் பயன்படுத்தி ஆன்லைன் வழிகளில் உடனடியாக பணம் நிரப்பலாம். மாணவர்கள் தங்கள் சுயவிவரத்தை நிர்வகிக்கவும், அட்டையை ஆன்லைனில் புதுப்பிக்கவும் முடியும். பெற்றோர், மாணவர்களின் கணக்கு அல்லது அட்டையை நிர்வகிக்கும் வசதியும் வழங்கப்படும்.
New Dubai Student Card மூலம் துபாய் பொது போக்குவரத்தில் மாணவர்களுக்கு 50 சதவீதம் வரை கட்டணச் சலுகை தொடரும். Nol Plus திட்டத்தில் பதிவு செய்தால், ஐக்கிய அரபு அமீரகத்தில் உள்ள பல்வேறு விற்பனை நிலையங்களிலும் சலுகைகளைப் பெறலாம். ISIC இணைப்பின் மூலம் 130-க்கும் மேற்பட்ட நாடுகளில் 1,50,000-க்கும் அதிகமான மாணவர் சலுகைகளும் கிடைக்கும்.
ஐக்கிய அரபு அமீரகத்தில் 23 வயதுக்குட்பட்ட பள்ளி அல்லது பல்கலைக்கழக மாணவர்கள் இந்த அட்டைக்கு விண்ணப்பிக்கலாம். Emirates ID, புகைப்படம் மற்றும் கல்வி நிறுவனத்தின் முத்திரையுடன் கூடிய மாணவர் உறுதிப்படுத்தல் கடிதம் சமர்ப்பிக்க வேண்டும். அட்டையின் விலை 70 திர்ஹம்; அது ஐந்து ஆண்டுகள் செல்லுபடியாகும்.
இந்த அட்டை கல்வி நிறுவனங்களின் ஒத்துழைப்புடன் கட்டங்களாக அறிமுகப்படுத்தப்படும். 2024 முதல் 43,800 அட்டைகள் அச்சிடப்பட்டுள்ளன என்றும், தற்போது 49,500 அட்டைகள் செயல்பாட்டில் உள்ளன என்றும் தெரிவிக்கப்பட்டுள்ளது.
