கடன் கட்டணங்கள் பெயரில் பணம் வசூல்
கடந்த ஜூலை 29ஆம் தேதி அடையாளம் தெரியாத நபர் ஒருவர் அந்தப் பெண்ணை செல்போனில் தொடர்புகொண்டுள்ளார். தனியார் நிதி நிறுவனத்தைச் சேர்ந்தவர் என அறிமுகப்படுத்திக் கொண்ட அவர், ரூ.5 லட்சம் கடன் வழங்குவதாகக் கூறியுள்ளார். இதை நம்பிய பெண், அவர் கேட்ட ஆவணங்களை அனுப்பியுள்ளார்.
அதன்பிறகு, கடன் தொகையைப் பெறுவதற்குப் பல்வேறு கட்டணங்களைச் செலுத்த வேண்டும் என மர்ம நபர்கள் கூறியுள்ளனர். இதையடுத்து, அவர்கள் தெரிவித்த வங்கிக் கணக்குகளுக்கு அந்தப் பெண் பல்வேறு பரிவர்த்தனைகள் மூலம் மொத்தம் ரூ.8,31,367 அனுப்பியுள்ளார். தொடர்ந்து பணம் கேட்டதால் சந்தேகமடைந்த அவர், தான் ஏமாற்றப்பட்டதை உணர்ந்துள்ளார்.
இதையடுத்து, ஆன்லைன் வழியாக திருச்சி சைபர் கிரைம் போலீஸாரிடம் புகார் அளித்துள்ளார். புகாரின் அடிப்படையில் வழக்குப் பதிவு செய்த போலீஸார், Trichy online loan fraud-ல் தொடர்புடைய நபர்களைத் தேடி விசாரணை மேற்கொண்டு வருகின்றனர்.
