ஆனால் ஆட்சியமைக்க தேவையான முழுமையான பெரும்பான்மை கிடைக்காத நிலையில் காங்கிரஸ் தனது 5 உறுப்பினர்களின் ஆதரவை வழங்க முன்வந்துள்ளது. இதுகுறித்து காங்கிரஸ் மேலிட பொறுப்பாளர் கிரிஷ் சோடங்கர் வெளியிட்ட அறிக்கையில் “இந்திய அரசமைப்பில் நம்பிக்கை இல்லாத வகுப்புவாத சக்திகளை கூட்டணியில் இருந்து விலக்கி வைக்க வேண்டும்” என்ற நிபந்தனையுடன் ஆதரவு வழங்கப்படுவதாக கூறப்பட்டுள்ளது. மேலும் இந்த கூட்டணி தற்போதைய ஆட்சியமைப்பிற்காக மட்டுமல்லாமல் எதிர்கால உள்ளாட்சி, மக்களவை மற்றும் மாநிலங்களவைத் தேர்தல்களிலும் தொடரும் எனவும் தெரிவிக்கப்பட்டுள்ளது. விஜயை நேரில் சந்தித்த காங்கிரஸ் நிர்வாகிகள் பரஸ்பர மரியாதை மற்றும் பொறுப்புணர்வின் அடிப்படையில் கூட்டணி அமையும் என நம்பிக்கை வெளியிட்டுள்ளனர்.
இதை சில அரசியல் விமர்சகர்கள் “தமிழகத்தில் அடிமட்டத்தில் பலவீனமடைந்த காங்கிரஸ் கட்சியை மீண்டும் பலப்படுத்தும் முயற்சி” என மதிப்பிட்டாலும், மற்றொரு தரப்பு இதை “கொள்கை அடிப்படையற்ற சந்தர்ப்பவாத அரசியல்” என விமர்சிக்கிறது. இருப்பினும் விஜயின் புதிய அரசியல் எழுச்சியுடன் கைகோர்த்திருப்பது காங்கிரஸுக்கு எதிர்காலத்தில் மாநில அரசியலில் புதிய வாய்ப்புகளை உருவாக்குமா என்ற கேள்வி தற்போது தீவிரமாக பேசப்படுகிறது.
