நிரந்தர குடியேற்றத் தகுதி விதிகளில் மாற்றம்
இங்கிலாந்தின் உள்துறை அறிவிப்பின்படி, ‘வலுவான’ பங்களிப்பு செய்ததாகக் கருதப்படுவோருக்கு தகுதி காலம் 5 ஆண்டாகவும், ‘சிறப்பான’ பங்களிப்பு செய்தோருக்கு 3 ஆண்டாகவும் இருக்கலாம். விண்ணப்பதாரர்களுக்கு எந்தவித குற்றப் பதிவும் இருக்கக்கூடாது. குடியேற்ற விதிமீறல் செய்தவர்கள் அல்லது கடந்த 5 ஆண்டுகளில் பொது நிதியைப் பெற்றவர்கள் 20 ஆண்டுகள் காத்திருக்க வேண்டிய நிலை ஏற்படலாம்.
2025 மே மாதத்துக்கு முன் Skilled Worker திட்டத்தில் சேர்ந்த பராமரிப்புப் பணியாளர்கள், சம்பளம் மற்றும் அனுசரணை விதிகளை பூர்த்தி செய்தால் 5 ஆண்டு வழியில் தொடர முடியும் என்பது முக்கிய சலுகையாகும். பாதுகாப்பான மற்றும் சட்டபூர்வமான வழிகளில் வராத அகதிகள் நிரந்தர குடியேற்றத்துக்கு 20 ஆண்டுகள் காத்திருக்க வேண்டியிருக்கும். சிறிய படகுகள் மூலம் ஒழுங்கற்ற முறையில் வந்தவர்களுக்கு இந்த காலம் 30 ஆண்டாகலாம்.
Protection Work and Study வழிக்கு மாறினால் காத்திருப்பு 10 ஆண்டாகக் குறையலாம்; ஆனால் தகுதி கணக்கீடு மீண்டும் தொடங்கும். நீண்ட காத்திருப்பு குறித்து ஐ.நா. அகதிகள் அமைப்பு கவலை தெரிவித்துள்ளது. குழந்தைகள், துஷ்பிரயோகத்தால் பாதிக்கப்பட்ட பெண்கள் மற்றும் குறைந்த ஊதியப் பணியாளர்களும் பாதிக்கப்படலாம்.
மேலும், விசா காலத்தை மீறியவர்கள் அல்லது அனுமதியின்றி இங்கிலாந்தில் நுழைந்தவர்களை கண்காணிக்க, போக்குவரத்து மையங்கள் மற்றும் பொது நிகழ்வுகளில் நேரடி முகஅடையாளக் கேமராக்களைப் பயன்படுத்தும் திட்டமும் பரிசீலிக்கப்படுகிறது. UK earned settlement plans தொடர்பாக அடுத்த மாத விதிமாற்ற அறிவிப்பில் சில மாற்றங்கள் வெளியாகலாம்.
