அவர் ஊடகங்களிடம் கருத்து தெரிவிக்கையில் சுற்றறிக்கையின் 7.5ஆம் இலக்கத்தின் கீழ் பல்கலைக்கழக ஆசிரியர்கள் அரசுப் பரீட்சைகளுக்கான வினாத்தாள்களைத் தயாரிக்கிறார்களா விடைத்தாள்களை மதிப்பீடு செய்கிறார்களா என்பதைக் கட்டாயமாக வெளிப்படுத்த வேண்டும் என குறிப்பிடப்பட்டுள்ளதாக சுட்டிக்காட்டினார். இத்தகைய தகவல்கள் மிகவும் இரகசியமானவை என்பதால் அவற்றை வெளிப்படுத்துவது பரீட்சை முறையின் நம்பகத்தன்மையை பாதிக்கும் அபாயத்தை ஏற்படுத்தும் என்றும் அவர் எச்சரித்தார்.
இந்த நடைமுறை பல்கலைக்கழக ஆசிரியர்களின் பிள்ளைகள் பாடசாலைகளில் சேர்வதை கட்டுப்படுத்தும் நோக்கத்துடன் கொண்டுவரப்பட்டுள்ளதாகவும் அவர் குற்றம்சாட்டினார். இதற்கு விரைவில் தீர்வு காணப்படாவிட்டால் அரசுப் பரீட்சைகளுக்கான வினாத்தாள் தயாரித்தல் விடைத்தாள் மதிப்பீடு உள்ளிட்ட பொதுக் கல்விக்காக பல்கலைக்கழக ஆசிரியர்கள் வழங்கி வரும் சேவைகள் தொடர்பில் கடுமையான தீர்மானங்களை எடுக்க வேண்டிய நிலை ஏற்படும் என்றும் சம்மேளனம் எச்சரித்துள்ளது.
