இதன் மூலம் மெக்சிகோவில் விதிக்கப்படும் உயர்ந்த இறக்குமதி வரிகளை தவிர்க்கும் திட்டமிட்ட முயற்சி இடம்பெற்றிருக்கலாம் என அமெரிக்க மற்றும் மெக்சிகோ அதிகாரிகள் விசாரணை நடத்தி வருகின்றனர். குறிப்பாக Torm Agnes மற்றும் Torm Louise கப்பல்களில் சென்ற சரக்குகள் உரிய அனுமதிகள் இல்லாததாக சந்தேகிக்கப்படும் மெக்சிகோ நிறுவனங்களுடன் இணைக்கப்பட்டுள்ளன என்று ஆவணங்கள் காட்டுகின்றன. மேலும் கார்டெலுடன் தொடர்பு இருப்பதாக குற்றச்சாட்டுக்குள்ளான போக்குவரத்து நிறுவனங்களும் இந்த வலையமைப்பில் இடம்பெற்றிருக்கலாம் என தெரிவிக்கப்படுகிறது.
இதற்கிடையில் Ikon Midstream நிறுவனம் தாங்கள் எந்த குற்றச் செயலிலும் ஈடுபடவில்லை என்றும் ஆவணங்களில் ஏற்பட்ட தவறுகள் நோக்கமற்ற நிர்வாகப் பிழைகள் மட்டுமே என்றும் மறுப்பு தெரிவித்துள்ளது. இருப்பினும்,அமெரிக்கா மற்றும் மெக்சிகோவில் தொடரும் விசாரணைகள் வட அமெரிக்க எரிபொருள் வர்த்தகத்திற்கும் போதை கும்பல் நிதி வலையமைப்பிற்கும் இடையிலான மறைமுக உறவுகள் குறித்து புதிய கேள்விகளை எழுப்பியுள்ளன.
