1091 அவசர உதவி எண்ணில் தகவல்
வேலூர் ஓல்டு டவுன் பகுதியைச் சேர்ந்த பாலாஜி என்பவர், சாலையில் தனியாகச் சென்ற சிறுமியிடம் அத்துமீறலில் ஈடுபட்டதாக கூறப்படுகிறது. இதனால் பயந்த சிறுமி அழுதபடி வீட்டுக்குச் சென்று தனது தாத்தா, பாட்டியிடம் சம்பவத்தைத் தெரிவித்துள்ளார்.
இதையடுத்து, சிறுமியின் உறவினர் 1091 என்ற அவசர உதவி எண்ணில் சிங்கப்பெண் அதிரடிப்படை போலீஸாரைத் தொடர்புகொண்டு தகவல் அளித்துள்ளார். தகவல் கிடைத்ததும் சம்பவ இடத்துக்குச் சென்ற போலீஸார், பாலாஜியைத் தேடிப் பிடித்து கைது செய்தனர்.
பின்னர் அவர் வேலூர் அனைத்து மகளிர் காவல் நிலையத்தில் ஒப்படைக்கப்பட்டார். அங்கு போக்சோ சட்டத்தின் கீழ் வழக்குப்பதிவு செய்யப்பட்டதைத் தொடர்ந்து, பாலாஜி வேலூர் மத்தியச் சிறையில் அடைக்கப்பட்டார். Vellore POCSO case தொடர்பான அடுத்தகட்ட சட்ட நடவடிக்கைகள் நடைபெற்று வருகின்றன.
