கட்டுமானப் பகுதிகளில் வாகனங்கள் நுழைந்ததாக புகார்
சான் பிரான்சிஸ்கோவுக்கு தெற்கே உள்ள US Route 101 சாலையில், செயல்பாட்டில் இருந்த கட்டுமானப் பகுதிக்குள் Waymo-வின் பல டிரைவரில்லா வாகனங்கள் நுழைந்த சம்பவம் இந்த மாதம் பதிவானது. இதை பொதுப் பாதுகாப்புக்கு “உடனடி அபாயம்” என DMV குறிப்பிட்டது. கட்டுமானத் தொழிலாளர்கள், வாகனங்கள் மற்றும் உபகரணங்கள் இருந்த பகுதிகளில் வாகனங்கள் மீண்டும் மீண்டும் நுழைந்ததாகவும் துறை தெரிவித்தது.
இந்த சம்பவத்துக்குப் பிறகு காயங்களோ மோதல்களோ ஏற்படவில்லை என Waymo கூறியுள்ளது. மாநில அதிகாரிகளுடன் இணைந்து, நெடுஞ்சாலை சேவையை பொறுப்புடன் மீண்டும் தொடங்குவதற்கான பணிகளில் ஈடுபட்டு வருவதாக நிறுவனம் தெரிவித்துள்ளது.
சான் பிரான்சிஸ்கோ நெடுஞ்சாலையில் போக்குவரத்தை மெதுவாக்கிய ரோந்து வாகனங்களை Waymo கார் ஒன்று முந்த முயன்றதாகத் தோன்றும் காணொளியும் சமூக வலைதளங்களில் பரவியது. நவம்பர் 11ஆம் தேதி அமலுக்கு வந்த கலிபோர்னியா தடையை, குறைபாடுகளுக்கான பயனுள்ள திருத்த நடவடிக்கைகள் எடுக்கப்பட்டதை Waymo நிரூபிக்கும் வரை தொடர்வதாக DMV கூறியுள்ளது.
Waymo driverless taxis தற்போது அமெரிக்காவின் 15 நகரங்களில் இயக்கப்படுகின்றன. சான் பிரான்சிஸ்கோ, லாஸ் ஏஞ்சல்ஸ், மியாமி உள்ளிட்ட சில நகரங்களில் மட்டுமே நெடுஞ்சாலைப் பயணங்கள் வழங்கப்பட்டன. வழக்கமான நகரச் சாலைகளில் இந்த டாக்ஸிகள் தொடர்ந்து இயங்கலாம்.






























