வில்லியம், நண்பருடன் முகாமிடுவதற்காக கிப்ஸ்லாந்தில் உள்ள வால்ஹல்லா ஈஸ்ட் பகுதிக்குச் சென்றிருந்தார். நவம்பர் 6ஆம் தேதி வெள்ளிக்கிழமை மாலை 4 மணியளவில், கவ்வார் நகருக்கு அருகிலுள்ள ஸ்டோனி க்ரீக் சாலையில் அவர் கடைசியாகக் காணப்பட்டார். முகாமிடும் உபகரணங்களை எடுக்கச் சென்ற அவர் மீண்டும் திரும்பாததால், நண்பர் சுற்றுப்பகுதியில் தேடியும் தகவல் கிடைக்கவில்லை.
ஆறுகள் மற்றும் புதர்ப்பகுதிகளில் தேடுதல் விரிவாக்கம்
கவ்வார், ஸ்டோனி க்ரீக், லோயர் தாம்சன் ஆறு மற்றும் அதைச் சுற்றியுள்ள பாதைகளில் பொருத்தப்பட்ட வேட்டைக் கேமராக்களின் பதிவுகளைச் சரிபார்க்குமாறு காவல்துறை பொதுமக்களிடம் கேட்டுள்ளது. தேடுதல் பகுதியில் ஒரு கேமரா கண்டுபிடிக்கப்பட்டதைத் தொடர்ந்து இந்த வேண்டுகோள் விடுக்கப்பட்டது.
காவல்துறை அதிகாரி ஜேசன் பென்போவ், தேடுதல் எல்லை மேலும் விரிவுபடுத்தப்படும் என்று தெரிவித்தார். சுமார் 40 முதல் 50 பேர் தரையில் தேடுகின்றனர். ஹெலிகாப்டர், சாலைக்கு வெளியே செல்லக்கூடிய மோட்டார் சைக்கிள்கள், சிறப்பு தேடுதல் மற்றும் மீட்புக் குழுவினர், நீர்மூழ்கிக் குழுவினர் ஆகியோர் நடவடிக்கையில் ஈடுபட்டுள்ளனர்.
வில்லியம் கடைசியாக ஆற்றங்கரையிலுள்ள தற்காலிக முகாமுக்கு அருகில் காணப்பட்டதாகவும், அங்கு நீருக்குச் செல்லும் படிக்கட்டுகள் இருந்ததாகவும் காவல்துறை தெரிவித்துள்ளது. அவர் ஷர்ட் இன்றி ஷார்ட்ஸ் மற்றும் வேலைக்காலணிகள் அணிந்திருந்தார். அவரது கைபேசி, உணவு மற்றும் தண்ணீர் அங்கேயே இருந்தன; மீன்பிடி பெட்டி, தலையணைகள் மற்றும் மடிக்கக்கூடிய மேசை காணப்படவில்லை. William missing in Victoria தேடுதலில் நடவடிக்கையை குறைக்கும் திட்டமில்லை என்று காவல்துறை கூறியுள்ளது.
