உயிரிழந்தவர் பானகமுவ பகுதியைச் சேர்ந்தவர் என தெரிவிக்கப்பட்டுள்ளது. இந்த மரணம் சந்தேகத்திற்குரியது என உயிரிழந்தவரின் மனைவியும் பிள்ளையும் வழங்கிய வாக்குமூலத்தைத் தொடர்ந்து பொலிஸார் மேற்கொண்ட விசாரணையில் விபத்து திட்டமிட்டு நிகழ்த்தப்பட்டிருக்கலாம் என சந்தேகம் எழுந்துள்ளது.
சம்பவத்திற்குப் பின்னர் தப்பிச் சென்றிருந்த 24 வயதுடைய கெப் வாகன சாரதி கைது செய்யப்பட்டுள்ளார். சந்தேகநபருக்கும் உயிரிழந்தவருக்கும் இடையே நீண்டகாலமாக இருந்த தனிப்பட்ட முரண்பாடே இந்த சம்பவத்திற்கான காரணமாக இருக்கலாம் என இதுவரை மேற்கொள்ளப்பட்ட விசாரணைகளில் தெரியவந்துள்ளதாக பொலிஸார் தெரிவித்துள்ளனர். சம்பவம் தொடர்பில் சந்திவெளி பொலிஸார் மேலதிக விசாரணைகளை தொடர்ந்து வருகின்றனர்
