உபேந்திரா கழிவறையில் வழுக்கி விழுந்து, பின்னர் மாரடைப்பால் உயிரிழந்ததாக அனிதா தனது மைத்துனர் ராஜேந்திராவிடம் தெரிவித்தார். ராஜேந்திரா போலீஸாருக்கு தகவல் அளித்தார். விசாரணையின்போது, உபேந்திராவின் முகம் மற்றும் கழுத்தில் காயங்கள் இருப்பதை போலீஸார் கவனித்தனர். இதையடுத்து உடல் பிரேதப் பரிசோதனைக்கு அனுப்பப்பட்டது.
சிசிடிவி மற்றும் அழைப்பு விவரங்களால் விசாரணையில் திருப்பம்
பிரேதப் பரிசோதனை அறிக்கையில், மூச்சுத்திணறல் காரணமாக மரணம் ஏற்பட்டதாக தெரிவிக்கப்பட்டது. உபேந்திரா மற்றும் அனிதாவின் தொலைபேசி அழைப்பு விவரங்கள், வீட்டைச் சுற்றியிருந்த சிசிடிவி காட்சிகள் ஆகியவற்றை போலீஸார் ஆய்வு செய்தனர். அனிதா அடிக்கடி மதுசூதன் ரெட்டியுடன் பேசியதும், அவர் உபேந்திராவின் வீட்டருகே சென்றதும் தெரியவந்தது.
விசாரணையில், அனிதாவுக்கும் மதுசூதன் ரெட்டிக்கும் தொடர்பு இருந்ததாகவும், இதுகுறித்து உபேந்திரா அனிதாவை எச்சரித்ததாகவும் போலீஸார் தெரிவித்தனர். கடந்த மாதம் 11ஆம் தேதி ஏற்பட்ட தகராறுக்குப் பிறகு, அனிதா மதுசூதனை அழைத்ததாக கூறப்படுகிறது. நள்ளிரவில் வீட்டுக்கு வந்த மதுசூதன், தூங்கிக் கொண்டிருந்த உபேந்திராவின் கழுத்தை நெரித்ததாகவும், அனிதா அவரது முகம் மற்றும் மூக்கை மூடியதாகவும் போலீஸார் தெரிவித்தனர்.
சம்பவத்துக்குப் பிறகு மதுசூதன் அங்கிருந்து சென்றதாகவும், பின்னர் அனிதா ராஜேந்திராவுக்கு தகவல் அளித்ததாகவும் கூறப்படுகிறது. Bengaluru murder case விசாரணையில் அனிதா மற்றும் மதுசூதன் ரெட்டி இருவரும் கைது செய்யப்பட்டுள்ளனர்.
