இந்திய உள்துறை அமைச்சகத்தால் பயங்கரவாதியாக அறிவிக்கப்பட்ட பண்ணூன், தன்னை கொலை செய்யச் சதித் திட்டம் தீட்டப்பட்டதாக வெளியான தகவல்களைத் தொடர்ந்து நியூயார்க்கின் தெற்கு மாவட்டத்திற்கான அமெரிக்க மாவட்ட நீதிமன்றத்தில் வழக்குத் தொடர்ந்தார். இந்த வழக்கில், R&AW முன்னாள் தலைவர் சமந்த் கோயல் உள்ளிட்ட அதிகாரிகளுக்கும் தொடர்பு இருப்பதாக அவர் குற்றம்சாட்டியுள்ளார்.
சம்மன் அனுப்பிய நடைமுறை குறித்து அமெரிக்க விளக்கம்
அமெரிக்க வெளியுறவுத் துறை கையெழுத்திட்ட தூதரகக் குறிப்பு, 2026 செப்டம்பர் 30 தேதியிடப்பட்டு, அக்டோபர் 9-ம் தேதி வாஷிங்டன் டி.சி.யில் உள்ள இந்தியத் தூதரகத்திற்கு அனுப்பப்பட்டது. சம்மன் அனுப்பப்பட்டதை அமெரிக்க வெளியுறவுத் துறை அக்டோபர் 28-ம் தேதி உறுதிப்படுத்தியது.
தூதரகத்திற்கு குறிப்பு அனுப்புவது வழக்கமான நடைமுறை என்றும், இந்த உரிமையியல் வழக்கில் அமெரிக்கா எந்த ஒரு குறிப்பிட்ட நிலைப்பாட்டையும் எடுத்துக்கொள்ளவில்லை என்றும் தெரிவிக்கப்பட்டுள்ளது.
இந்த வழக்கில் குற்றம்சாட்டப்பட்ட நிகில் குப்தா, 2023 ஜூன் மாதம் ப்ராக்கில் கைது செய்யப்பட்டு அமெரிக்காவிற்கு நாடு கடத்தப்பட்டார். 2026 பிப்ரவரியில் கூலிக்கு ஆள் அமர்த்தி கொலை செய்ய முயன்றது, கொலை சதி மற்றும் சட்டவிரோத பணப் பரிமாற்ற சதி ஆகிய மூன்று குற்றச்சாட்டுகளை அவர் ஒப்புக்கொண்டார்.
Ajit Doval summons விவகாரம் குறித்து இந்திய வெளியுறவுத் துறை செய்தித் தொடர்பாளர் ரந்தீர் ஜெய்ஸ்வால், இந்திய உயர் அதிகாரிகள் மீதான போலியான மற்றும் உள்நோக்கம் கொண்ட குற்றச்சாட்டுகளை முற்றிலும் நிராகரிப்பதாகத் தெரிவித்தார். இந்த வழக்குகளையும் இந்தியா ஏற்க மறுப்பதாக அவர் கூறினார்.
