யாழ்ப்பாணத்தில் வழித்தடங்களைத் தெரிவு செய்வதற்கான நடவடிக்கைகள்
Jaffna Metro Bus service-ஐ நடைமுறைப்படுத்துவது மற்றும் பொருத்தமான வழித்தடங்களைத் தெரிவு செய்வது தொடர்பாக வீதி அபிவிருத்தி அதிகார சபை, மாகாண போக்குவரத்து அதிகார சபை மற்றும் இலங்கை பொலிஸ் உள்ளிட்ட சம்பந்தப்பட்ட அரச நிறுவனங்களுடன் ஆரம்பகட்ட கலந்துரையாடல்கள் நடத்தப்பட்டுள்ளதாக துணை அமைச்சர் கூறினார்.
முன்மொழியப்பட்ட வழித்தடங்களின் பொருத்தத்தை மதிப்பிடுவதற்காக சோதனை ஓட்டங்களும் நடத்தப்பட்டுள்ளன. இதன் அடிப்படையில் Jaffna Metro Bus service-ஐ யாழ்ப்பாணத்தில் வெற்றிகரமாக அறிமுகப்படுத்த முடியும் என அவர் நம்பிக்கை வெளியிட்டார்.
இதற்கிடையில், மெட்ரோ பேருந்து சேவை விரிவாக்கத்தின் இரண்டாம் கட்டத்துக்காக கண்டியும் தெரிவு செய்யப்பட்டுள்ளது. அங்கு ஒரு மாத கால சோதனைச் சேவை ஏற்கனவே நடத்தப்பட்டு, சேவைக்கான பொருத்தமான வழித்தடங்கள் அடையாளம் காணப்பட்டுள்ளன.
மெட்ரோ பேருந்து சேவை முதலில் கொழும்பில் 10 பேருந்துகளுடன் ஆரம்பிக்கப்பட்டு, பின்னர் 122 பேருந்துகளாக விரிவுபடுத்தப்பட்டது. கொழும்பில் அந்த சேவை தொடர்ந்து இடம்பெற்று வருகிறது. நாட்டின் முக்கிய நகரங்களுக்கு சேவையை விரிவுபடுத்துவதற்காக 2029ஆம் ஆண்டு வரை செயல்படுத்தக்கூடிய செயல் திட்டம் அரசாங்கத்தால் தயாரிக்கப்பட்டுள்ளதாகவும் பிரசன்ன குணசேன தெரிவித்தார்.
