இந்த உதவி, 2026 நிதியாண்டுக்கான ஜப்பானின் அதிகாரபூர்வ பாதுகாப்பு உதவி (OSA) திட்டத்தின் கீழ் வழங்கப்படுகிறது. புதிய படகுகள் கடல்சார் கண்காணிப்பு, உளவு நடவடிக்கைகள் மற்றும் பேரிடர் எதிர்வினைத் திறன்களை மேம்படுத்தும் என தெரிவிக்கப்பட்டுள்ளது.
ஜப்பான்–இலங்கை பாதுகாப்பு ஒத்துழைப்பின் இரண்டாவது திட்டம்
நவம்பர் 10ஆம் தேதி நடைபெற்ற நிகழ்வில், ஜப்பான் தூதர் அகியோ இசோமட்டா மற்றும் திறைசேரி மற்றும் பொருளாதார அபிவிருத்தி அமைச்சின் செயலாளர் ஹர்ஷன சூரியப்பெரும ஆகியோர் ஒப்பந்தத்தில் கையெழுத்திட்டு ஆவணங்களை பரிமாறினர். பாதுகாப்பு அமைச்சின் செயலாளர், ஓய்வுபெற்ற விமானப்படை துணை மார்ஷல் சம்பத் துயகொந்தாவும் நிகழ்வில் கலந்துகொண்டார்.
2023ஆம் ஆண்டு அறிமுகப்படுத்தப்பட்ட OSA திட்டத்தின் கீழ், இது இலங்கைக்கான ஜப்பானின் இரண்டாவது உதவித் திட்டமாகும். 2025ஆம் ஆண்டு ஒப்புக்கொள்ளப்பட்ட முதல் திட்டத்தின் கீழ், இலங்கை கடற்படைக்கான ஆளில்லா வானூர்திகள் (UAVs) கொள்முதல் தற்போது நடைபெற்று வருகிறது.
Japan grant to Sri Lanka Navy உதவி, சுதந்திரமான மற்றும் திறந்த இந்தோ-பசிபிக் (FOIP) நோக்கத்துடன் இணைந்ததாகும். இரு தீவு நாடுகளுக்கும் இடையிலான கடல்சார் பாதுகாப்பு ஒத்துழைப்பை மேலும் விரிவுபடுத்த முடியும் என தூதர் இசோமட்டா தெரிவித்துள்ளார்.
