வேலைவாய்ப்பு மற்றும் சமூக மேம்பாட்டு கனடா (ESDC), 2026 நவம்பர் 6 அன்று வெளியிட்ட அறிவிப்பில் இந்த மாற்றத்தைத் தெரிவித்தது. அந்தத் தேதியன்று அல்லது அதற்குப் பிறகு குறைந்த ஊதியப் பிரிவில் சமர்ப்பிக்கப்படும் தொழிலாளர் சந்தை தாக்க மதிப்பீடுகளுக்கு (LMIA) இந்த புதிய காலவரம்பு பொருந்தும்.
LMIA மற்றும் வேலை அனுமதி நீட்டிப்பு விதிகள்
ஒரு வேலை, அந்த மாகாணம் அல்லது பிரதேசத்தின் மணிநேர சராசரி ஊதியத்தின் 120 சதவீதத்திற்குக் குறைவாக ஊதியம் வழங்கினால், அது குறைந்த ஊதியப் பிரிவில் சேரும். தற்போது ஒன்ராறியோவில் இந்த வரம்பு 36.92 கனடிய டொலராகவும், பிரிட்டிஷ் கொலம்பியாவில் 38.40 கனடிய டொலராகவும் உள்ளது.
வெளிநாட்டு தொழிலாளருக்கு low-wage TFWP work permits வழங்குவதற்கு, அந்த வேலைக்கு தகுதியான கனேடிய குடிமகன் அல்லது நிரந்தர குடியிருப்பாளர் கிடைக்கவில்லை என்பதை காட்டும் நேர்மறை அல்லது நடுநிலை LMIA தேவைப்படுகிறது. LMIA-வின் காலம், குடிவரவு, அகதிகள் மற்றும் குடியுரிமை கனடா (IRCC) வழங்கக்கூடிய வேலை அனுமதியின் அதிகபட்ச காலத்தையும் நிர்ணயிக்கிறது.
ஏற்கனவே உள்ள வேலை அனுமதியை நீட்டிக்க விரும்பும் தொழிலாளர், புதிய LMIA-வை முதலாளி பெற வேண்டும். 6 சதவீதம் அல்லது அதற்கு மேற்பட்ட வேலைவாய்ப்பின்மை உள்ள சில பெருநகரப் பகுதிகளில் குறைந்த ஊதிய LMIA செயலாக்கத்துக்கு தொடர்ந்து தடை உள்ளது. இந்தப் பட்டியலில் டொராண்டோ, வான்கூவர், மொன்றியல், கல்கரி, எட்மன்டன், ஹாலிஃபாக்ஸ் உள்ளிட்ட 30 பகுதிகள் உள்ளன.
கட்டுமானம், விவசாயம், சுகாதாரம் போன்ற சில துறைகள் இந்தத் தடையில் இருந்து விலக்கு பெற்றுள்ளன. ஆரம்பக் குழந்தைப் பருவக் கல்வியாளர்களையும் விலக்கு பெற்ற பணிகளின் பட்டியலில் ESDC சேர்த்துள்ளது. LMIA முடிவு நிலுவையில் இருக்கும்போது வேலை அனுமதி நீட்டிப்புக்கு விண்ணப்பிக்கும் நடைமுறைக்கான காலவரம்பை IRCC, 2026 அக்டோபர் 28 அன்று நீக்கியது.
