நுகர்வோர் அலுவல்கள் அதிகாரசபையின் (CAA) வவுனியா மாவட்ட விசாரணை அதிகாரிகள் மேற்கொண்ட திடீர் சோதனையின்போது வவுனியா மருத்துவமனை வீதியில் அமைந்துள்ள குறித்த தனியார் வைத்தியசாலை FBC இரத்தப் பரிசோதனைக்காக அரசால் நிர்ணயிக்கப்பட்ட ரூ.400 என்ற உச்ச கட்டணத்திற்கு பதிலாக ரூ.550 வசூலித்தமை கண்டறியப்பட்டது. இதையடுத்து நுகர்வோர் அலுவல்கள் அதிகாரசபைச் சட்டத்தின் கீழ் வழக்கு தொடரப்பட்டது. Private Hospital Fine
இந்த வழக்கு வவுனியா நீதவான் நீதிமன்றத்தில் விசாரணைக்கு எடுத்துக்கொள்ளப்பட்டபோது சமர்ப்பிக்கப்பட்ட ஆதாரங்கள் மற்றும் விசாரணை அறிக்கைகளை பரிசீலித்த நீதிமன்றம் வைத்தியசாலைக்கு ரூ.500,000 அபராதம் விதித்தது. அண்மைக்காலமாக தனியார் மருத்துவமனைகள் மற்றும் ஆய்வகங்களில் அரசின் கட்டண வரம்பை மீறி பணம் வசூலிக்கும் சம்பவங்கள் தொடர்பில் அதிகாரிகள் தீவிர கண்காணிப்பை மேற்கொண்டு வருகின்றனர்.
இதுபோன்ற அதிக கட்டண வசூல் இடம்பெற்றால் பொதுமக்கள் நுகர்வோர் அலுவல்கள் அதிகாரசபையின் 1977 என்ற உதவி இலக்கத்திற்கு தகவல் வழங்குமாறு அதிகாரசபை கேட்டுக்கொண்டுள்ளது. மருத்துவ சேவைகளில் வெளிப்படைத்தன்மையையும் நுகர்வோர் உரிமைகளையும் பாதுகாக்கும் நடவடிக்கைகள் தொடரும் என்றும் தெரிவிக்கப்பட்டுள்ளது.
