மத்திய கிழக்கில் நிலவும் பாதுகாப்பு பதற்றம் காரணமாக வெளிநாட்டு வேலை தேடும் இலங்கையர்களின் எண்ணிக்கை குறைந்திருந்தாலும் பாதுகாப்பான நாடுகளில் அதிக வருமானம் தரும் வேலைகளுக்கு தொழிலாளர்களை அனுப்ப நடவடிக்கைகள் மேற்கொள்ளப்பட்டு வருகின்றன. இந்த ஆண்டில் இதுவரை 143,087 இலங்கையர்கள் வெளிநாட்டு வேலைவாய்ப்புக்காகப் புறப்பட்டுள்ளதுடன் அவர்களில் 92,590 பேர் ஆண்களும் 50,497 பேர் பெண்களும் ஆவர்.
மேலும் இஸ்ரேலுக்கு 14,000 தொழிலாளர்களையும் தென் கொரியாவிற்கு 8,000 தொழிலாளர்களையும் அனுப்ப திட்டமிடப்பட்டுள்ளது. இதுவரை 7,873 பேர் இஸ்ரேலுக்கும் 4,794 பேர் தென் கொரியாவிற்கும் சென்றுள்ளனர். அதேவேளை 2026ஆம் ஆண்டின் முதல் ஆறு மாதங்களில் இலங்கை புலம்பெயர் தொழிலாளர்கள் 4.6 பில்லியன் அமெரிக்க டொலர்களை நாட்டிற்கு அனுப்பியுள்ளதாகவும் பணியகம் தெரிவித்துள்ளது.
