லாரன்ஸ் பிஷ்னோய் கூட்டத்தைச் சேர்ந்தவர் எனக் கூறிக்கொள்ளும் அனில் பண்டிட் என்ற நபர் இந்த ஆடியோவில் பேசியுள்ளார். ஆயுஷ்மான் குரானா தங்களுடன் பேச வேண்டும் என்றும், இல்லையெனில் டைகர் ஷெராப்புக்கு ஏற்பட்ட நிலை அவருக்கும் ஏற்படலாம் என்றும் அவர் மிரட்டியதாக கூறப்படுகிறது.
ஆடியோ மிரட்டல் குறித்து மும்பை போலீஸ் விசாரணை
ஆயுஷ்மான் குரானாவின் சண்டிகர் வீடு மற்றும் அவர் தற்போது தங்கியிருக்கும் இடம் தங்களுக்குத் தெரியும் என்றும் அந்த ஆடியோவில் தெரிவிக்கப்பட்டுள்ளது. நடிகர் அல்லது அவரது குடும்பத்தினருக்கு தீங்கு விளைவிக்க முடியும் எனவும் மிரட்டல் விடுக்கப்பட்டுள்ளது.
இந்த Ayushmann Khurrana death threat விவகாரம் குறித்து மும்பை போலீஸார் விசாரணை நடத்தி வருகின்றனர். முன்னதாக ஆயுஷ்மான் குரானா, துஷார் கபூர் உள்ளிட்ட பாலிவுட் பிரபலங்களுக்கு மிரட்டல் மின்னஞ்சல்கள் அனுப்பியதாக வைபவ் மிஷ்ரா என்ற ஐ.டி. பொறியாளர் கைது செய்யப்பட்டிருந்தார்.
பெங்களூருவில் புதன்கிழமை கைது செய்யப்பட்ட அவரிடம் நடத்தப்பட்ட விசாரணையில், லாரன்ஸ் பிஷ்னோய் கூட்டத்தைச் சேர்ந்தவர் போல நடித்து, பிரபலங்களுக்கு ஆடியோ மிரட்டல்களை அனுப்பியதாக தெரியவந்தது. இதற்கிடையில், ஆயுஷ்மான் குரானாவுக்கு போலீஸ் பாதுகாப்பு வழங்கப்பட்டு வருகிறது.
