உயர்ஸ்தானிகரகத்தின் அறிக்கையின்படி புதிய விசா சேவை வழங்குநர் கடந்த ஜூலை 7 முதல் சேவையை ஆரம்பித்ததைத் தொடர்ந்து யாத்திரிகர்களுக்கு இலவச (Gratis) விசா வழங்கும் நடைமுறை மீண்டும் அமல்படுத்தப்பட்டுள்ளது. புத்தசாசன, சமய மற்றும் கலாசார அலுவல்கள் அமைச்சின் பரிந்துரையுடன் 10 பேர் அல்லது அதற்கு மேற்பட்ட குழுக்களாக விண்ணப்பிக்கும் யாத்திரிகர்களுக்கு இந்த வசதி தொடர்ந்தும் வழங்கப்படும் என தெரிவிக்கப்பட்டுள்ளது.Sri Lankan Pilgrims Visa
அதேவேளை யாத்திரிகர்களுக்கு விசா கட்டணம் அறவிடப்படாது என்றாலும் விண்ணப்பங்களை செயல்படுத்தும் இந்திய தூதரக விண்ணப்ப மையத்தின் (ICAC) சேவைக்காக ரூ. 1,855 சேவை கட்டணம் மட்டும் செலுத்த வேண்டியிருக்கும் என்றும் உயர்ஸ்தானிகரகம் குறிப்பிட்டுள்ளது. இது விசா கட்டணம் அல்ல சேவை கட்டணம் மட்டுமே எனவும் விளக்கப்பட்டுள்ளது.
இதன்மூலம் இந்தியாவுக்கான பௌத்த மற்றும் பிற மத யாத்திரைகளை மேற்கொள்ளும் இலங்கையர்களுக்கு முன்பிருந்த சலுகைகள் தொடர்ந்தும் நடைமுறையில் இருப்பதுடன் விசா கட்டணம் அதிகரிக்கப்பட்டதாக வெளியான தகவல்கள் உண்மையல்ல என்பது உறுதிப்படுத்தப்பட்டுள்ளது.
