கந்தளாய் பேராறு பகுதியைச் சேர்ந்த 20 மாணவர்களும் 2 மாணவிகளும் முதலில் கந்தளாய் ஆதார வைத்தியசாலையில் சிகிச்சைக்காக அனுமதிக்கப்பட்டதாக வைத்திய அத்தியட்சகர் தெரிவித்துள்ளார். ஆரம்ப சிகிச்சைகள் வழங்கப்பட்ட பின்னர் மேலதிக சிகிச்சைகளுக்காக அனைத்து மாணவர்களும் திருகோணமலை பொது வைத்தியசாலைக்கு மாற்றப்பட்டுள்ளனர்.
மாணவர்கள் ஆமணக்கு விதையை உட்கொண்டிருக்கலாம் என்ற சந்தேகத்தின் அடிப்படையில் மருத்துவர்கள் சிகிச்சை அளித்து வருவதாகவும் இந்த சம்பவம் எவ்வாறு இடம்பெற்றது என்பது தொடர்பில் காவல்துறையினரும் சம்பந்தப்பட்ட அதிகாரிகளும் விரிவான விசாரணைகளை ஆரம்பித்துள்ளதாகவும் தெரிவிக்கப்பட்டுள்ளது. மாணவர்களின் உடல்நிலை தொடர்ந்து கண்காணிக்கப்பட்டு வருவதாகவும் அதிகாரிகள் குறிப்பிட்டுள்ளனர்.
