நெல்லையில் மனைவியை கழுத்தை நெரித்துக் கொன்ற கணவர் கைது

காவல் விசாரணையில் கணவர் ஒப்புதல்

பாப்பாக்குடியைச் சேர்ந்த அருணாச்சலம், நெல்லையில் உள்ள தனியார் குக்கர் நிறுவனத்தில் வேலை செய்து வருகிறார். அவரது மனைவி வனோபி, சமூகப் பிரச்னைகள் தொடர்பான வீடியோக்களை இன்ஸ்டாகிராம் உள்ளிட்ட சமூக வலைதளங்களில் பதிவிட்டு வந்ததாக கூறப்படுகிறது.

கடந்த 7-ம் தேதி வேலை முடிந்து வீடு திரும்பிய அருணாச்சலம், வனோபி இறந்து கிடப்பதாக போலீஸில் புகார் அளித்தார். முதற்கட்ட விசாரணையில், அவர் கழுத்தை நெரித்துக் கொல்லப்பட்டிருப்பது தெரியவந்தது. தடயவியல் நிபுணர்கள் சம்பவ இடத்தில் தடயங்களை சேகரித்தனர்.

அருணாச்சலம் முன்னுக்குப் பின் முரணாகப் பதில் அளித்ததாகவும், கணவன்-மனைவி இடையே அடிக்கடி தகராறு ஏற்பட்டதாக அக்கம் பக்கத்தினர் தெரிவித்ததாகவும் போலீஸார் கூறினர். தொடர்ந்து நடத்தப்பட்ட விசாரணையில், வனோபியை கொன்றதாக அவர் ஒப்புக்கொண்டதாகத் தெரிவிக்கப்பட்டுள்ளது.

இன்ஸ்டாகிராம் மூலம் சென்னை மற்றும் கடலூரைச் சேர்ந்த இரு இளைஞர்களுடன் மனைவி பழகியதாகவும், இதனால் தகராறு ஏற்பட்டதாகவும் அவர் கூறியதாக போலீஸார் தெரிவித்தனர். சம்பவத்துக்குப் பிறகு குழந்தையை உறவினர் வீட்டில் விட்டுவிட்டு, மனைவியை யாரோ கொன்றதாக புகார் அளித்ததாகவும் விசாரணையில் தெரியவந்துள்ளது. இந்த Nellai wife murder case குறித்து போலீஸார் தொடர்ந்து விசாரித்து வருகின்றனர்.