வாடிக்கையாளர்கள் தங்களின் கணக்கு இருப்பைச் சரிபார்த்தபோதோ, பணப் பரிவர்த்தனை செய்ய முயன்றபோதோ மட்டுமே பணம் குறைந்திருப்பது தெரியவந்துள்ளது. பணம் பற்று வைக்கப்பட்டதாக எந்த குறுஞ்செய்தியும், தொடர்புடைய ஆவணமும் கிடைக்கவில்லை என சில வாடிக்கையாளர்கள் தெரிவித்துள்ளனர்.
வங்கி ஊழியர்கள் இடைநீக்கம்; போலீஸ் விசாரணை
இந்த விவகாரத்தைத் தொடர்ந்து, ஐச்சார் கிளை மேலாளர் உள்ளிட்ட பல வங்கி ஊழியர்கள் பணியிடைநீக்கம் செய்யப்பட்டுள்ளனர். சேமிப்புக் கணக்குகள் மட்டுமல்லாமல், சில நிலையான வைப்பு கணக்குகளிலிருந்தும் பணம் காணாமல்போனதாக கூறப்படுகிறது.
பணம் எவ்வாறு காணாமல்போனது, அது எங்கு சென்றது, இது மோசடியா என்பவை குறித்து இதுவரை தெளிவு கிடைக்கவில்லை. Noida bank account money missing வழக்கில் போலீஸார் தீவிரமாக விசாரித்து வருகின்றனர்.
வாடிக்கையாளர்களின் புகார்கள் உண்மையென உறுதி செய்யப்பட்டால், இழந்த தொகையை வங்கியே சரிசெய்யும் என்று அறிவித்துள்ளது. அதன்படி, வாடிக்கையாளர்களுக்கு பணத்தைத் திருப்பிச் செலுத்தும் நடவடிக்கையும் தொடர்ந்து நடைபெற்று வருகிறது.
வங்கி கணக்குகளைத் தொடர்ந்து கண்காணிக்க அறிவுரை
வாடிக்கையாளர்கள் வாரத்திற்கு குறைந்தது ஒருமுறை கணக்கு இருப்பு மற்றும் பரிவர்த்தனை விவரங்களைச் சரிபார்க்க வேண்டும். ஒவ்வொரு பரிவர்த்தனைக்கும் குறுஞ்செய்தி வருகிறது என்பதை உறுதி செய்து, வராவிட்டால் உடனடியாக வங்கியை அணுக வேண்டும்.
பின் எண், கடவுச்சொல், டெபிட் அல்லது கிரெடிட் கார்டு விவரங்கள், ஒருமுறை பயன்பாட்டு கடவுச்சொல் ஆகியவற்றை யாரிடமும் பகிரக்கூடாது. ஏதேனும் முறைகேடு தெரிந்தால், வங்கியிலும் சைபர் குற்றப்பிரிவிலும் உடனடியாக புகார் அளிக்க வேண்டும்.
