ரியாத்திலுள்ள இலங்கைத் தூதரகம் சமீபத்திய பிராந்திய அசாதாரண சூழ்நிலைகளைக் கருத்தில் கொண்டு சவுதி அரசாங்கத்தினால் வழங்கப்பட்டுள்ள விசேட சலுகைகள் குறித்து முக்கிய அறிவிப்பை வெளியிட்டுள்ளது. இந்த சலுகை 25.02.2026 அன்று அல்லது அதற்குப் பின்னர் தமது விசா காலம் காலாவதியான இலங்கை பிரஜைகளுக்கு பொருந்தும்.
குறிப்பாக, சவுதி அபராதமின்றி வெளியேறுதல் மூலமாக விசிட் விசா (Visit Visas), உம்ரா விசா, இடைநிறுத்த விசா (Transit Visas), மற்றும் இறுதி வெளியேற்ற விசா (Final Exit) வைத்திருப்பவர்கள் இந்த சலுகையை பெறக்கூடும்.
பாதிக்கப்பட்டவர்கள் தங்களது விசாக்களை 18 ஏப்ரல் 2026 வரை நீடித்துக் கொள்ள முடியும் இதற்குத் தங்களது ஸ்பொன்சர் (Sponsor) மூலம் Absher தளத்தில் உரிய கட்டணங்களைச் செலுத்த வேண்டும். அல்லது நாடு திரும்ப விரும்புவோர் எவ்வித அபராதமும் இல்லாமல் நேரடியாக விமான நிலையங்கள் ஊடாக வெளியேறலாம் இதற்காக விசா நீடிப்பு செய்ய அவசியமில்லை. தாமதக் கட்டணம் அல்லது பிற அபராதங்கள் செலுத்த வேண்டியதில்லை.
முக்கிய எச்சரிக்கை – தொடர்புடைய அனைத்து இலங்கை பிரஜைகளும் 18 ஏப்ரல் 2026 ஆம் திகதிக்கு முன்னதாக தங்களது விசா நிலையை முறைப்படுத்திக் கொள்ளுமாறு அல்லது வெளியேறுமாறு அறிவுறுத்தப்படுகின்றனர். இந்த காலக்கெடுவுக்குப் பின்னர் தங்கியிருப்பவர்களுக்கு சவுதி சட்டப்படி அபராதங்கள் விதிக்கப்படும்.
