சம்பவத்தைத் தொடர்ந்து தொடருந்து ஊழியர்களும் அதிகாரிகளும் உடனடியாக மீட்பு நடவடிக்கைகளை மேற்கொண்டதுடன் காயமடைந்த சுற்றுலாப் பயணி மேலதிக சிகிச்சைக்காக நுவரெலியா பொது வைத்தியசாலையில் அனுமதிக்கப்பட்டுள்ளார்.
இந்தச் சம்பவத்தை அடுத்து மலையக தொடருந்து பாதையில் பயணம் செய்யும் பயணிகள் குறிப்பாக வெளிநாட்டு சுற்றுலாப் பயணிகள் ஓடும் தொடருந்தின் கதவுகளில் அல்லது ஜன்னல்களில் இருந்து வெளியே குனிந்து புகைப்படம் அல்லது செல்ஃபி எடுக்க முயற்சிப்பதைத் தவிர்க்குமாறு தொடருந்து திணைக்களமும் பாதுகாப்பு அதிகாரிகளும் மீண்டும் வலியுறுத்தியுள்ளனர்.
இத்தகைய ஆபத்தான செயல்கள் கடுமையான காயங்கள் அல்லது உயிரிழப்புகளுக்குக் கூட வழிவகுக்கக்கூடும் என்பதால் பயணத்தின் போது பாதுகாப்பு விதிமுறைகளை கண்டிப்பாகப் பின்பற்றுமாறும் அறிவுறுத்தப்பட்டுள்ளது. சம்பவம் தொடர்பான மேலதிக விசாரணைகளை காவல்துறையினரும் தொடருந்து திணைக்கள அதிகாரிகளும் இணைந்து மேற்கொண்டு வருகின்றனர்.
