பிரதமர் கியர் ஸ்டார்மர்(Keir Starmer) வெளியிட்ட அறிவிப்பின்படி Snapchat, TikTok, YouTube, Instagram மற்றும் Facebook போன்ற தளங்களில் 16 வயதிற்குக் குறைவானவர்களின் அணுகலை கட்டுப்படுத்தும் சட்டம் கொண்டுவரப்பட உள்ளது. இந்த ஒழுங்குமுறைகள் 2027 ஆம் ஆண்டில் அமலுக்கு வரலாம் என தெரிவிக்கப்பட்டுள்ளது.
புதிய விதிகளின் கீழ் 16 வயதிற்குக் குறைவான பயனர்களுக்கு நேரடி ஒளிபரப்பு வசதி மற்றும் அறிமுகமற்ற நபர்களுடன் தொடர்பு கொள்ளும் வாய்ப்புகள் தடுக்கப்படலாம். மேலும் 16 மற்றும் 17 வயதுடையவர்களுக்கும் கூடுதல் பாதுகாப்பு அம்சங்கள் தானாகவே செயல்படுத்தப்படும்.
இரவு நேர பயன்பாட்டைக் கட்டுப்படுத்துதல் முடிவில்லா ஸ்க்ரோலிங் வசதியை குறைத்தல் உள்ளிட்ட நடவடிக்கைகளும் பரிசீலிக்கப்பட்டு வருகின்றன. குழந்தைகள் இணையத்தில் அதிக நேரம் செலவிடுவதை குறைத்து பாதுகாப்பான டிஜிட்டல் சூழலை உருவாக்குவதே இந்த திட்டத்தின் நோக்கமாகும்.
பிரித்தானிய அரசு சமூக ஊடகத் தடை மற்றும் புதிய பாதுகாப்பு விதிமுறைகள் மூலம் குழந்தைகளின் நலன் மற்றும் எதிர்காலத்தை பாதுகாக்க முடியும் என நம்பிக்கை வெளியிட்டுள்ளது.
