உக்ரைன் மற்றும் ரஷ்யா இடையிலான தொடர்ச்சியான போரின் பின்னணியில் உக்ரைனுக்கு ஆதரவாக ஐரோப்பிய ஒன்றியம் €90 பில்லியன் மதிப்பிலான பெரும் கடன் உதவியை அதிகாரப்பூர்வமாக ஒப்புதல் அளித்துள்ளது. இந்த நிதி அடுத்த இரண்டு ஆண்டுகளில் உக்ரைனின் பொருளாதார மற்றும் இராணுவ தேவைகளின் பெரும்பகுதியை பூர்த்தி செய்யும் வகையில் வழங்கப்படவுள்ளது.

இந்த முடிவு முன்பு எதிர்ப்பு தெரிவித்த ஹங்கேரி தனது தடையை நீக்கியதன் பின்னர் எடுக்கப்பட்டது.இதற்கிடையில் உக்ரைனில் பள்ளிகளை குறிவைத்து பயங்கரவாத தாக்குதல்கள் நடத்த ரஷ்யா சார்பில் இளைஞர்களை ஆட்சேர்ப்பு செய்ததாக குற்றச்சாட்டுகள் எழுந்துள்ளன.

இந்த திட்டத்தில் ஈடுபட்டதாக சந்தேகிக்கப்படும் சில இளைஞர்கள் பாதுகாப்பு அதிகாரிகளால் கைது செய்யப்பட்டுள்ளனர். சமூக வலைதளங்கள் மற்றும் ஆன்லைன் வழிகளில் இளைஞர்கள் ஏமாற்றப்பட்டு இந்த வகை தாக்குதல்களுக்கு பயன்படுத்தப்படுகின்றனர் என அதிகாரிகள் தெரிவித்துள்ளனர்.

மேலும் ரஷ்யா தொடர்ந்து உக்ரைனின் பல பகுதிகளில் தாக்குதல்களை மேற்கொண்டு வருவதால் பலர் உயிரிழந்தும் காயமடைந்தும் உள்ளனர். செர்னோபில் அணு நிலையம் அருகே நடந்த தாக்குதல்கள் குறித்து சர்வதேச கவலைகளும் அதிகரித்துள்ளன. இந்நிலையில் உக்ரைன் அதிபர் வோலோடிமிர் ஜெலென்ஸ்கி உலக நாடுகள் தொடர்ந்து ஆதரவு வழங்க வேண்டுமென வலியுறுத்தியுள்ளார்.