2024ஆம் ஆண்டு ஜெனிபர் பெடெல்சிக் மற்றும் அவரது 18 வயது மகள் கிரெட்ல் ஆகியோர் தங்கள் ஃப்ளோரியட் இல்லத்தில் சுட்டுக் கொல்லப்பட்டனர். பிரிந்திருந்த மனைவியைத் தேடி வீட்டுக்குள் வலுக்கட்டாயமாக நுழைந்த பம்பாரா, முதலில் ஜெனிபரையும் பின்னர் கிரெட்லையும் சுட்டதாக மேற்கு ஆஸ்திரேலிய காவல்துறையின் மூத்த சார்ஜன்ட் நாதன் கார்போன் தெரிவித்தார்.
அதன்பின் ஜெனிபரின் கைப்பேசியை எடுத்த அவர் மேலும் இரண்டு முறை சுட்டபோது அந்தச் சம்பவம் பதிவானதாக கூறப்பட்டது. அது ஒலி பதிவா அல்லது காணொளிப் பதிவா என்பது இன்னும் தெளிவாகவில்லை. பின்னர் பம்பாரா தற்கொலை செய்துகொண்டார்.
காவல்துறை நடவடிக்கைகள் குறித்து எழுந்த கேள்விகள்
கொலைகளுக்கு சில வாரங்களுக்கு முன்பு, பம்பாராவின் பிரிந்த மனைவி ரோவேனா மற்றும் மகள் ஏரியல் வீட்டிலிருந்து பொருட்களை எடுத்துச் செல்ல காவல்துறை உதவியை நாடினர். அப்போது வீட்டில் இருந்த துப்பாக்கிப் பாதுகாப்புப் பெட்டியைச் சரிபார்க்க காவலர் ஷான் கிங் மறுத்ததாக விசாரணையில் கூறப்பட்டது. பின்னர் அவர், அதைச் சரிபார்த்திருக்க வேண்டும் என ஒப்புக்கொண்டார்.
அதிகாரி ஆண்ட்ரூ வில்சன், பம்பாராவின் நடத்தை காவலர்களைத் தவறாக நம்பச் செய்யும் வகையில் கணக்கிட்டதாகவும் கையாளும் தன்மை கொண்டதாகவும் குறிப்பிட்டார். Floreat murders inquest விசாரணைக்குப் பின்னர், குடும்ப வன்முறை வழக்குகளில் ஆயுதங்களைப் பறிமுதல் செய்து, குடும்பத்தினர் பொருட்களை எடுக்க வருவதற்கு முன் குற்றம் சாட்டப்பட்டவர்களை வீட்டிலிருந்து அகற்றும் வகையில் காவல்துறை நடைமுறை மாற்றப்பட்டுள்ளதாக தெரிவிக்கப்பட்டது.
