கடந்த 2025 ஜூன் 17ஆம் தேதி, ஜெரில்டெரிக்கு தெற்கே நியூவெல் நெடுஞ்சாலையோரமாக ஏக்கர்ஸின் உடல் கண்டெடுக்கப்பட்டது. அவர் பிரிஸ்பேனிலிருந்து மெல்போர்னுக்கு காரில் பயணம் செய்ததாகவும், அவருடன் ஒரு துணை இருந்ததாகவும் தெரிவிக்கப்பட்டது.
வழக்கு விசாரணை 2027 ஆகஸ்டில் தொடக்கம்
ஜூன் 16ஆம் தேதி அதிகாலை சுமார் 2.30 மணிக்கு, அந்த நகரில் உள்ள சேவை நிலையத்தின் கண்காணிப்பு கேமராவில் ஏக்கர்ஸ் கடைசியாக உயிருடன் பதிவாகியிருந்தார். அவர் கார் மோதியதில் ஏற்பட்டதாகக் கூறப்படும் கடுமையான காயங்களால் உயிரிழந்திருக்கலாம் என முர்ரே ரிவர் பொலிஸார் அப்போது தெரிவித்தனர்.
விக்டோரியா மாநிலத்தின் ஹாம்ப்டன் பார்க் பகுதியில் உள்ள வீட்டில் 2025 ஜூலையில் நடத்தப்பட்ட தேடுதல் நடவடிக்கையின்போது, ஏக்கர்ஸுக்கு அறிமுகமான சில்சன் கைது செய்யப்பட்டார். மூன்று மாதங்களுக்குப் பின்னர் அவர் நியூ சவுத் வேல்ஸுக்கு நாடுகடத்தப்பட்டு, டெனிலிக்வின் பொலிஸ் நிலையத்தில் கொலைக் குற்றச்சாட்டை எதிர்கொண்டார்.
சில்சன் இதுவரை பிணை கோரவில்லை; அவர் தொடர்ந்து காவலில் உள்ளார். Lisa Anne Silson murder trial, வாகா வாகா உச்ச நீதிமன்றத்தில் 2027 ஆகஸ்ட் 30ஆம் தேதி தொடங்கி நான்கு வாரங்கள் நடைபெறும் என எதிர்பார்க்கப்படுகிறது.
