சைபர்டிரக் தயாரிப்பு முழுமையாக நிறுத்தப்படுமா அல்லது வேறு இடத்துக்கு மாற்றப்படுமா என்பதை மஸ்க் தெளிவுபடுத்தவில்லை. ஆனால், திட்டத்தின் முன்னணி பொறியாளர் வெஸ் மோரில், சைபர்டிரக் ஒரு முக்கிய தொழில்நுட்ப மேம்பாட்டு தளமாக இருந்ததாகவும், அதன் தொழில்நுட்பம் Cybercab மூலம் தொடரும் என்றும் சமூக வலைதளத்தில் குறிப்பிட்டார்.
சைபர்டிரக்கின் விற்பனை மற்றும் தயாரிப்பு சவால்கள்
கோண வடிவம் மற்றும் துருப்பிடிக்காத எஃகு உடலுடன் 2023ஆம் ஆண்டு அறிமுகமான சைபர்டிரக், ஆரம்பத்தில் ரசிகர்களிடையே கவனம் பெற்றது. எனினும், அறிமுகத்திற்கு முன் ஏற்பட்ட தாமதங்கள், எதிர்பார்த்த அளவை எட்டாத விற்பனை மற்றும் பல முறை திரும்பப் பெறுதல் நடவடிக்கைகள் அதன் வரவேற்பை பாதித்தன.
2019ஆம் ஆண்டு நேரடி நிகழ்ச்சியில் அதன் உடைக்க முடியாத கண்ணாடி எனக் காட்டப்பட்ட பகுதி உடைந்தது. அதே ஆண்டில் 146,000 முன்பதிவுகள் கிடைத்ததாக மஸ்க் கூறியிருந்தார். 2025ஆம் ஆண்டில், வாகனத்தின் வெளிப்புற அலங்காரப் பகுதி கீழே விழக்கூடும் என்ற அச்சத்தால் 46,000க்கும் மேற்பட்ட சைபர்டிரக்குகள் திரும்பப் பெறப்பட்டன.
அனைத்து கூடுதல் அம்சங்களுடனான மாடலின் விலை 61,000 டாலராக இருந்தது. 2026ஆம் ஆண்டுக்கான Cyberbeast மாடலின் விலை 102,000 டாலராக குறிப்பிடப்பட்டுள்ளது. Tesla Cybertruck production குறைக்கப்பட்டாலும், சைபர்டிரக் வாகனங்கள் நீண்ட காலம் பயன்பாட்டில் இருக்கும் என்று மஸ்க் தெரிவித்துள்ளார்.
