நூல் தேர்வு மற்றும் கொள்முதல் குறித்து கேள்விகள்
சண்முகம் வெளியிட்ட அறிக்கையில், கோவை மாவட்டத்தில் ஏழு ஏக்கர் பரப்பளவில், ஏழு தளங்களைக் கொண்ட பெரியார் அறிவுலகம் அமைக்கப்பட்டதாகக் குறிப்பிடப்பட்டுள்ளது. கடந்த திமுக ஆட்சிக் காலத்தில் சுமார் 300 கோடி ரூபாய் செலவில் கட்டப்பட்ட இந்த மையம், 2026 அக்டோபர் 16 அன்று முதல்வர் ஜோசப் விஜய் அவர்களால் திறந்து வைக்கப்பட்டதாகவும் அறிக்கையில் கூறப்பட்டுள்ளது.
எழுத்தாளர் பெருமாள் முருகன், பெரியார் அறிவுலகத்தில் மிகப்பெரிய ஊழல் நடைபெற்றுள்ளதாக ஆதாரங்களுடன் சுட்டிக்காட்டியதாக சண்முகம் தெரிவித்துள்ளார். குறிப்பாக, நூல் கொள்முதலில் திட்டமிட்ட முறைகேடுகள் நடந்ததாகவும், அரசு நூலகங்களுக்கான விதிமுறைகள் மற்றும் வழிகாட்டுதல்கள் முறையாகப் பின்பற்றப்படவில்லை எனவும் குற்றச்சாட்டுகள் எழுந்துள்ளதாக அவர் கூறியுள்ளார்.
நூல்களைத் தேர்வு செய்யப் பரிந்துரைத்த குழுவில் இடம்பெற்றவர்கள் யார், தரமற்ற அல்லது போலியானதாகக் கூறப்படும் நூல்களை வாங்க ஒப்புதல் அளித்தவர்கள் யார், டெண்டர் எப்போது விடப்பட்டது, கொள்முதல் எப்போது நடைபெற்றது என்பதற்கு அரசு பதிலளிக்க வேண்டும் என சிபிஎம் கேட்டுள்ளது.
Periyar Arivulagam library book purchase தொடர்பாக தமிழ் அறிஞர்கள் அடங்கிய குழுவை அமைத்து நூலகத்தில் உள்ள அனைத்து நூல்களையும் ஆய்வு செய்ய வேண்டும் என்றும், முறைகேடுகள் உறுதி செய்யப்பட்டால் பொறுப்பானவர்கள் மீது நடவடிக்கை எடுக்க சிறப்பு புலன் விசாரணைக் குழுவை அமைக்க வேண்டும் என்றும் கட்சி வலியுறுத்தியுள்ளது. அரசு நூலகங்களில் நூல் கொள்முதல் செய்யும்போது விதிமுறைகள் தொடர்ந்து கண்காணிக்கப்பட வேண்டும் எனவும் கோரிக்கை விடுக்கப்பட்டுள்ளது.
