புத்தர் போத்கயாவில் ஞானம் பெற்ற பின்னர் தனது முதல் தர்ம உபதேசத்தை வழங்கிய இடமாக சார்நாத் உலகளவில் பெரும் மதிப்பைப் பெற்றுள்ளது. இதனால் புத்த மதத்தின் நான்கு முக்கிய யாத்திரைத் தலங்களில் ஒன்றாக இத்தலம் கருதப்படுகிறது. அசோக மன்னரின் காலத்தில் பல நினைவுச் சின்னங்கள், தூபிகள் மற்றும் மதக் கட்டிடங்கள் இங்கு உருவாக்கப்பட்டன. தமேக் ஸ்தூபி, சௌகண்டி ஸ்தூபி, தர்மராஜிகா ஸ்தூபி, அசோக தூண் எச்சங்கள் மற்றும் பழமையான மடாலயங்களின் சிதிலங்கள் ஆகியவை இன்றும் அந்த வரலாற்றுப் பெருமையை எடுத்துரைக்கின்றன. Sarnath UNESCO World Heritage
யுனெஸ்கோ வழங்கியுள்ள இந்த அங்கீகாரம் சார்நாத்தின் வரலாற்று, மத, தொல்லியல் மற்றும் கலாசார முக்கியத்துவத்தை உலகளவில் மேலும் வலுப்படுத்தும் என எதிர்பார்க்கப்படுகிறது. மேலும் சர்வதேச சுற்றுலாப் பயணிகள், ஆய்வாளர்கள் மற்றும் புத்த மத யாத்திரிகர்களின் வருகை அதிகரிப்பதற்கும் இது வழிவகுக்கும் என்று இந்திய அதிகாரிகள் நம்பிக்கை தெரிவித்துள்ளனர். இந்த அங்கீகாரம் இந்தியாவின் பண்டைய நாகரிக மரபுகளை உலக அரங்கில் மேலும் உயர்த்தும் முக்கிய மைல்கல்லாகவும் பார்க்கப்படுகிறது.
