தகவல்களின்படி இந்த இடைநிறுத்தம் காரணமாக சுமார் 9,273 குழந்தைகளும் மற்றும் 5,835 பெண்களும் தங்கள் குடும்ப உறுப்பினர்களிடமிருந்து பிரிந்து வாழும் நிலைக்கு தள்ளப்பட்டுள்ளனர். இவர்களில் பலர் இன்னும் போர் மற்றும் பாதுகாப்பற்ற பகுதிகளில் சிக்கியிருப்பதாகவும் தெரிவிக்கப்பட்டுள்ளது.
குடும்ப இணைப்பு திட்டம் நிறுத்தப்பட்ட பிறகு மாற்று குடியேற்ற வழிகள் இருப்பதாக பிரிட்டன் அரசு கூறினாலும் அவை மிகவும் குறைந்த எண்ணிக்கையிலானோருக்கே நடைமுறையில் உதவியுள்ளதாக மனித உரிமை அமைப்புகள் தெரிவித்துள்ளன. இதனால் பல குடும்பங்கள் நீண்டகால பிரிவை எதிர்கொண்டு வருகின்றன.
இதனிடையே குடும்ப இணைப்பு திட்டத்தை மீண்டும் விரைவாக செயல்படுத்த வேண்டும் என்றும் தற்போதைய நிலை பாதுகாப்பான மற்றும் சட்டபூர்வமான குடும்ப மீளிணைவு வாய்ப்பை மறுக்கும் சூழலை உருவாக்குவதாகவும் அகதிகள் ஆதரவு அமைப்புகள் வலியுறுத்தியுள்ளன. அதேவேளை அகதி முறைமையை சீர்திருத்தும் நோக்கில் இந்த மாற்றங்கள் மேற்கொள்ளப்பட்டதாக பிரிட்டன் அரசு தெரிவித்துள்ளது.
