இந்த மசோதாவின்படி மனிதக் கடத்தல் அல்லது நவீன அடிமைத்தனத்திற்கு ஆளானவர்கள் தாங்கள் பாதிக்கப்பட்டதாக தாமதமாக தெரிவித்தால் அவர்களுக்கு தற்போது வழங்கப்படும் சில சட்டப் பாதுகாப்புகள் மற்றும் உதவிகள் மறுக்கப்படலாம் என தெரிவிக்கப்பட்டுள்ளது. இதனால் உண்மையான பாதிக்கப்பட்டவர்களே பாதுகாப்பை இழக்கும் அபாயம் இருப்பதாக அமைப்புகள் எச்சரிக்கின்றன.
மேலும், புகலிட விண்ணப்பம் நிராகரிக்கப்பட்ட குடும்பங்கள் குழந்தைகள் உட்பட விரைவாக நாடுகடத்தப்படுவதற்கான நடைமுறைகளையும் இந்த மசோதா எளிதாக்குகிறது. இதனால் மனித உரிமைகள் பாதிக்கப்படலாம் என Freedom United உள்ளிட்ட அமைப்புகள் குற்றம்சாட்டியுள்ளன.
ஆனால் பிரிட்டன் அரசு இந்த மசோதா எல்லைப் பாதுகாப்பை வலுப்படுத்தவும் புகலிட முறையின் தவறான பயன்பாட்டை குறைக்கவும் சட்டவிரோத குடியேற்றத்தை கட்டுப்படுத்தவும் உதவும் என்று வலியுறுத்தியுள்ளது. இந்த மசோதா தற்போது நாடாளுமன்ற பரிசீலனையில் இருப்பதால் இறுதி சட்டமாக மாறும் முன் திருத்தங்கள் இடம்பெற வாய்ப்பு உள்ளது.
