தேங்காய் அபிவிருத்தி அதிகாரசபையின் தலைவர் சாந்த ரணதுங்க தெரிவிக்கையில் நாட்டில் அதிகரித்த தேங்காய் உற்பத்தி மற்றும் உலக சந்தையில் இலங்கை தேங்காய் சார்ந்த பொருட்களுக்கு ஏற்பட்டுள்ள உயர்ந்த தேவை ஆகியவை இந்த வெற்றிக்கு முக்கிய காரணங்களாக அமைந்துள்ளன என்றார்.குறிப்பாக தேங்காய் கரு சார்ந்த பொருட்கள், கொயர் (Coir) தொழிற்துறை தயாரிப்புகள் மற்றும் தேங்காய் ஓடு அடிப்படையிலான மதிப்பூட்டப்பட்ட பொருட்கள் ஆகியவற்றின் ஏற்றுமதி கணிசமாக அதிகரித்துள்ளதாகவும் அவர் குறிப்பிட்டார்.
எனினும் இளநீர் (King Coconut) ஏற்றுமதி மட்டும் சுமார் 33% வீழ்ச்சி கண்டுள்ளது. இலங்கையின் இளநீர் ஏற்றுமதியில் சுமார் 95% துபாய் சந்தையையே சார்ந்திருப்பதால் அங்குள்ள சந்தை மற்றும் போக்குவரத்து சவால்கள் இந்த வீழ்ச்சிக்கு காரணமாக அமைந்துள்ளதாக அதிகாரிகள் விளக்கியுள்ளனர்.சவால்களுக்கு மத்தியிலும் இலங்கையின் தேங்காய் ஏற்றுமதி துறை தொடர்ந்து வலுவாக வளர்ச்சி பாதையில் பயணிப்பது நாட்டின் ஏற்றுமதி பொருளாதாரத்திற்கு முக்கிய ஊக்கமாக பார்க்கப்படுகிறது.
