பெர்லின் ஓபன் அரையிறுதியில் உலக நம்பர் 1 அரினா சபாலென்கா (Aryna Sabalenka) அதிர்ச்சி தோல்வி சந்தித்தார் இதில் சபாலென்கா தோல்வி பெகுலா என்ற முடிவுடன் அமெரிக்க வீராங்கனை ஜெசிகா பெகுலா (Jessica Pegula) 6-4, 6-7 (4-7), 6-0 என்ற கணக்கில் வெற்றி பெற்று இறுதிப்போட்டிக்கு முன்னேறினார்.

முதல் செட்டில் பெகுலா தொடக்கம் முதலே ஆட்டத்தின் கட்டுப்பாட்டை கைப்பற்றினார். சபாலென்கா தனது சக்திவாய்ந்த அடிகளால் பதிலளித்தாலும் முக்கிய தருணங்களில் செய்த தவறுகள் காரணமாக செட்டை இழந்தார்.

இரண்டாவது செட்டில் சபாலென்கா தனது வழக்கமான தாக்குதல் ஆட்டத்தை வெளிப்படுத்தி ஆட்டத்தை மாற்றினார். இருவருக்கும் கடும் போட்டி நிலவிய நிலையில் செட் டை பிரேக் வரை சென்றது. அங்கு சபாலென்கா 7-4 என்ற கணக்கில் வெற்றி பெற்று போட்டியை 1-1 என சமநிலைக்கு கொண்டு வந்தார்.

ஆனால் தீர்மான செட்டில் முழு ஆட்டமும் பெகுலா பக்கம் திரும்பியது. அவர் தொடர்ச்சியான அழுத்தம் கொடுத்து சபாலென்காவின் ஆட்டத் தாளத்தை முற்றிலும் உடைத்தார். சபாலென்கா ஒரு கேமும் வெல்ல முடியாமல் 6-0 என்ற அதிர்ச்சி தோல்வியை சந்தித்தார்.இந்த வெற்றியுடன் பெகுலா இறுதிப்போட்டிக்கு முன்னேறி செக் வீராங்கனை லிண்டா நோஸ்கோவாவை எதிர்கொள்கிறார்.