சிகிச்சை செலவுக்கு மீதமான நிதி மாவீரர் குடும்பங்களுக்கு – சிவாஜிலிங்கம் அறிவிப்பு

மக்களுக்கு வெளியிட்டுள்ள தனது அறிக்கையில் அறுவைச் சிகிச்சை முழுமையாக நிறைவடைந்த பின்னர் சிகிச்சைச் செலவுகளுக்குப் பின் எஞ்சும் நிதி சமூக நலன் சார்ந்த பணிகளுக்கும் விடுதலைப் போராட்டத்தில் உயிரிழந்த மாவீரர் குடும்பங்களின் பிள்ளைகளின் கல்விச் செலவுகளுக்கும் அவர்களின் நினைவுச் சின்னங்கள் அமைப்பதற்கும் பயன்படுத்தப்படும் என சிவாஜிலிங்கம் குறிப்பிட்டுள்ளார். மேலும் தனக்கு உதவி வழங்கியவர்கள் எந்தவித விசாரணை அழுத்தங்களுக்கும் உள்ளாகக் கூடாது என்பதில் கவனம் செலுத்துவதாகவும் பொருத்தமான நேரத்தில் உதவியளித்தவர்களின் விவரங்களை வெளிப்படையாக வெளியிடுவதாகவும் தெரிவித்துள்ளார்.