வாகன இறக்குமதிக்கு புதிய சலுகைகள் தேவை இறக்குமதியாளர்கள் அரசிடம் அவசர கோரிக்கை

இலங்கையில் வாகன இறக்குமதி நடைமுறைகளை எளிதாக்கும் வகையில் அரசாங்கம் உடனடி கொள்கை மாற்றங்களை மேற்கொள்ள வேண்டும் என்று வாகன இறக்குமதியாளர்கள் வலியுறுத்தியுள்ளனர். தற்போதைய நிதி மற்றும் இறக்குமதி விதிமுறைகள் விற்பனையாளர்களையும் பொதுமக்களையும் பாதித்து வருவதாக அவர்கள் தெரிவித்துள்ளனர்.வாகன இறக்குமதியாளர் சங்கத்தின் துணைத் தலைவர் அரோஷா ரொட்ரிகோ ஊடகங்களுக்கு கருத்து தெரிவிக்கையில் தற்போது அமலில் உள்ள 50% கூடுதல் வரி வாகன நிதியுதவி (Leasing) மீதான கட்டுப்பாடுகள் மற்றும் இறக்குமதி நடைமுறைகள் சந்தையின் இயல்பான செயல்பாட்டை சிரமப்படுத்துவதாகக் குறிப்பிட்டார்.குறிப்பாக மத்திய வங்கியின் விதிமுறையின்படி வாகனத்தின் பெறுமதியின் 40% மட்டுமே லீசிங் வசதி வழங்கப்படுவது பல வாங்குபவர்களுக்கு வாகனம் வாங்கும் வாய்ப்பை குறைத்துள்ளதாக அவர் சுட்டிக்காட்டினார்.