சங்கத்தின் செயலாளர் சமில் முதுகுடா நாளை (30) மற்றும் ஜூலை 1 ஆம் தேதி செயல்படவுள்ள தான்சல்கள் அனைத்தும் சுகாதார பரிசோதனைக்கு உட்படுத்தப்படவுள்ளதாக கூறினார். மேலும் பொசன் விழா நடைபெறும் பகுதிகளில் உள்ள கடைகள் மற்றும் தற்காலிக விற்பனை நிலையங்களும் தொடர்ந்து கண்காணிக்கப்படும் என்றார்.
உணவு மற்றும் பானங்களை வழங்கும் போது பிளாஸ்டிக் பயன்பாட்டைத் தவிர்க்க தான்சல் ஏற்பாட்டாளர்களுக்கு PHI சங்கம் அறிவுறுத்தியுள்ளது. சூடான அல்லது குளிர்ந்த உணவுகளை பொலித்தீன் பைகளில் சேமிப்பது உடல்நலத்திற்கு ஆபத்தானது என்பதால் பாதுகாப்பான உணவுக் கையாளல் நடைமுறைகளை கடைப்பிடிக்குமாறும் வலியுறுத்தப்பட்டுள்ளது.
அதேவேளை நாட்டில் தொடரும் டெங்கு பரவல் காரணமாக கூடுதல் விழிப்புணர்வுடன் செயல்படுமாறும் பொதுமக்கள் மற்றும் தன்சல் ஏற்பாட்டாளர்களிடம் PHI சங்கம் கோரிக்கை விடுத்துள்ளது. குறிப்பாக பயன்படுத்தப்பட்ட பிளாஸ்டிக் கிண்ணங்கள் மற்றும் கழிவுகளை முறையாக அகற்றுவது அவசியம் எனவும் அறிவுறுத்தியுள்ளது.
