SriLankan Airlines நிறுவனம் மத்திய கிழக்கு பிராந்தியத்தில் நிலவும் பதற்ற நிலை மற்றும் வான்வழி கட்டுப்பாடுகள் காரணமாக கடந்த சில நாட்களாக பாதிக்கப்பட்டிருந்த தனது சர்வதேச சேவைகளில் சிலவற்றை படிப்படியாக மீண்டும் தொடங்கியுள்ளது.

இன்று Bandaranaike International Airport இலிருந்து Dubai International Airport நோக்கி இயக்கப்படும் UL231 விமானம் பிற்பகல் 2.50 மணிக்கு திட்டமிட்டபடி புறப்பட உள்ளது, அதற்கான திரும்பும் சேவையான UL232 டுபாயிலிருந்து மாலை 7.10 மணிக்கு புறப்படவுள்ளதாகவும் விமான நிறுவனம் உறுதிப்படுத்தியுள்ளது.

அதேபோல், கொழும்பிலிருந்து King Khalid International Airport நோக்கி செல்லும் UL265 விமானம் மாலை 6.15 மணிக்கு இயக்கப்படுகின்றது அதன் திரும்பும் சேவையான UL266 ரியாத்திலிருந்து இரவு 10.35 மணிக்கு புறப்படவுள்ளது. பிராந்திய வான்வழிகள் பாதுகாப்பு கண்காணிப்புடன் மீண்டும் திறக்கப்படுவதையடுத்து இந்த வரையறுக்கப்பட்ட சேவைகள் மீண்டும் ஆரம்பிக்கப்பட்டுள்ளதாக தெரிவிக்கப்படுகிறது.

எனினும், மத்திய கிழக்கு பகுதிக்கான பல்வேறு பிற விமான சேவைகள் தொடர்ந்து ரத்து செய்யப்பட்டுள்ளன. பயணிகள் தங்களது பயண நிலை தொடர்பான சமீபத்திய தகவல்களை நேரடியாக விமான நிறுவனத்துடன் தொடர்புகொண்டு உறுதிப்படுத்திக்கொள்ளுமாறு அறிவுறுத்தப்பட்டுள்ளது. நிலைமை தொடர்ந்து மாறக்கூடியதாக இருப்பதால் அட்டவணைகளில் திடீர் மாற்றங்கள் ஏற்பட வாய்ப்பு இருப்பதாகவும் தெரிவிக்கப்பட்டுள்ளது.