ஹொரணை நகர சபையின் பாதீட்டுத் திட்டத்தை நிறைவேற்றும் போது, சபையின் கடிகார நேரத்தை மாற்றி முறைகேடாக செயல்பட்டதாக எதிர்க்கட்சி தேசிய மக்கள் சக்தி (NPP) மீது குற்றச்சாட்டு செலுத்தியுள்ளது.

(22) நடைபெற்ற ஹொரணை நகர சபைக் கூட்டத்தில், ஆளும் கட்சியினருக்கு பெரும்பான்மை இல்லாத நிலையிலும், மிகவும் மோசடியான முறையில் பாதீடு நிறைவேற்றப்பட்டுள்ளதாக எதிர்க்கட்சி நாடாளுமன்ற உறுப்பினர் அஜித் பி. பெரேரா தெரிவித்துள்ளார்.

சபைக் கூட்டம் காலை 10:00 மணிக்குத் தொடங்கும் வகையில் திட்டமிடப்பட்டிருந்தது. ஆனால், சபை மண்டபத்தில் இருந்த கடிகாரத்தை 5 நிமிடங்கள் முன்னோக்கி திருப்பி வைத்துவிட்டு, 9:55 மணிக்கு பாதீடு ஒருமனதாக நிறைவேற்றப்பட்டதாக பெரேரா குற்றம் சுமத்தினார்.

எதிர்க்கட்சி உறுப்பினர்கள் காலை 10:00 மணிக்கு சபைக்கு வந்த போது, தேசிய மக்கள் சக்தி உறுப்பினர்களின் வாக்குகளுடன் பாதீடு நிறைவேற்றப்பட்டு, அவர்கள் சபையை விட்டு வெளியேறியிருந்தனர்.

அஜித் பி. பெரேரா, நகர சபைச் செயலாளரும் இத்தகைய சட்டவிரோத செயலுக்கு ஒத்துழைத்ததாகவும், இது அதிகார துஷ்பிரயோகம் எனவும் குற்றச்சாட்டினை முன்னெடுத்தார்.

“இது தற்காலிக அரசியல் வெற்றியாக இருக்கலாம், ஆனால் இத்தகைய தந்திரங்கள் நீண்ட கால பலன்கள் தராது” என்றும் அவர் எச்சரித்துள்ளார்.

இதுவரை தேசிய மக்கள் சக்தி (NPP) இவ்வாறு குற்றச்சாட்டுகளுக்கு எந்தவித அதிகாரப்பூர்வ விளக்கமும் வழங்கவில்லை என்பது குறிப்பிடத்தக்கது.