பின்லாந்து குடியிருப்பு அனுமதி, விண்ணப்ப செயல்முறையில் தாமதம்

பின்லாந்து குடிவரவு சேவை அமைப்பான Migri Finland வெளியிட்டுள்ள புதிய தகவலின்படி மாணவர்கள் மற்றும் அவர்களின் குடும்ப உறுப்பினர்கள் சமர்ப்பிக்கும் பின்லாந்து குடியிருப்பு அனுமதி (Residence Permit) விண்ணப்பங்களை செயல்படுத்துவதில் தற்போது தாமதம் ஏற்பட்டுள்ளதாக தெரிவிக்கப்பட்டுள்ளது.

குறிப்பாக மாணவர்களின் குடும்ப உறுப்பினர்கள் சமர்ப்பிக்கும் விண்ணப்பங்களில் பலவும் சட்டப்படி நிர்ணயிக்கப்பட்ட 90 நாட்களைக் கடந்தும் நிலுவையில் உள்ளதாக Migri தெரிவித்துள்ளது. விண்ணப்பங்கள் முழுமையான ஆவணங்களுடன் சமர்ப்பிக்கப்பட வேண்டும் என்றும் அடையாள சரிபார்ப்பு மற்றும் தேவையான ஆதாரங்கள் சரியாக வழங்கப்பட்டால் செயல்முறை வேகமாக நடைபெறும் என்றும் அதிகாரிகள் கூறியுள்ளனர்.

மேலும் மாணவர்கள் தங்களது படிப்பு தொடங்கும் காலத்திற்கு முன்பே விண்ணப்பங்களை சமர்ப்பிக்குமாறு அறிவுறுத்தப்பட்டுள்ளனர்.