சமீபத்திய வெள்ளப் பெருக்கால் உங்கள் தொழிற்சாலை பாதிக்கப்பட்டதா?
அப்படியானால் உடனடியாக பின்வரும் நடவடிக்கைகள் எடுக்கப்பட வேண்டும் என தொழில் அமைச்சு அறிவுறுத்தியுள்ளது.

🔴 1. பணியாளர் பாதுகாப்பை உறுதி செய்யுங்கள்
முதலில் தொழிற்சாலையில் பணிபுரியும் அனைத்து பணியாளர்களின் பாதுகாப்பும் நலனும் உறுதிப்படுத்தப்பட வேண்டும்.

🔴 2. சேதங்கள் தொடர்பில் அமைச்சக அதிகாரிகளை அறிவிக்கவும்
SEDD, NEDA, IDB, EDB உள்ளிட்ட தொழில் அமைச்சகத்திற்குட்பட்ட அமைப்புகளின் அதிகாரிகளுக்கும் அல்லது நேரடியாக அமைச்சகத்திற்கும் தொழிற்சாலைக்கு ஏற்பட்ட சேத விவரங்களை உடனடியாக தெரிவிக்க வேண்டும்.

🔴 3. காப்புறுதி நிறுவனம் தொடர்பில் அறிவிக்கவும்
உங்கள் தொழிற்சாலைக்கு ஏற்பட்ட சேதங்களை உடனடியாக காப்புறுதி நிறுவனத்திடம் அறிவிக்க வேண்டும் என்றும் அமைச்சு அறிவுறுத்துகிறது.

🔴 4. வங்கிக்கு உடனடி தகவல் வழங்கவும்
தொழிற்சாலை செயற்பாடுகள் பாதிக்கப்பட்டுள்ளமை குறித்து சம்பந்தப்பட்ட வங்கியையும் உடனடியாக அறிவிக்க வேண்டும்.

🔴 5. EPF/ETF மற்றும் IRD-ஐ எழுத்து மூலமாக அறிவிக்கவும்
உங்கள் நிறுவனத்தின் நடப்புப் பருவ நிலைமை குறித்து EPF/ETF மற்றும் உள்நாட்டு வருவாய் திணைக்களத்திற்கும் எழுத்து மூலமாக தகவல் வழங்க வேண்டும்.

🔴 6. அரசின் ரூ. 200,000 நிவாரணத்தை பெறத் தேவையான தகவல்களை வழங்கவும்
அரசு முன்மொழிந்துள்ள ரூ. 2 இலட்சம் நிவாரண நிதியைப் பெற தேவையான ஆவணங்களை அதிகாரிகளுக்கு வழங்க வேண்டும்.

🔴 7. தொடக்க நிலை சேத மதிப்பீட்டு அறிக்கையை தயார் செய்யவும்
உங்கள் தொழிற்சாலைக்கு ஏற்பட்ட மொத்த சேதங்களை சுயமாக மதிப்பீடு செய்து ஆவணப்படுத்திக் கொள்ள வேண்டும்.

🔴 8. தொழிற்சாலையை மீண்டும் செயல்படுத்தத் திட்டமிடவும்
செயற்பாடுகளை விரைவில் மீண்டும் ஆரம்பிக்க தேவையான செயல் திட்டத்தை உருவாக்க வேண்டும்.

🔴 9. சேதமடைந்த இயந்திரங்கள், கட்டிடங்கள், கையிருப்பு ஆகியவற்றின் சரிபார்க்கப்பட்ட மதிப்பீடுகளை தயாரிக்கவும்
அங்கீகரிக்கப்பட்ட நிபுணர்களின் சரிபார்ப்பு அடிப்படையில் சரியான மதிப்பீட்டு அறிக்கைகள் தயாரிக்கப்பட வேண்டும்.

🔴 10. கட்டிட சேதங்களுக்கு ரூ. 5 மில்லியன் வரை அரசின் ஆதரவைப் பெற தேவையான ஆவணங்களை சேகரிக்கவும்
உகந்த மதிப்பீடுகளின் அடிப்படையில் கட்டிடப் பழுது பார்த்தலுக்கான ரூ. 50 இலட்சம் வரை வழங்கப்படும் உதவி பெற தேவையான தகவல்களைத் திரட்ட வேண்டும்.

🔴 11. வழங்கல் சங்கிலியில் உள்ள பிற நிறுவனங்களின் நிலைமையையும் கவனத்தில் கொள்ளவும்
உங்கள் விநியோகத் தொடர் (supply chain) நிறுவனங்களும் வெள்ளத்தால் பாதிக்கப்பட்டிருக்கலாம்; அவர்களின் நிலைமையையும் கவனிக்க வேண்டும்.

இக்கடினமான சூழ்நிலையில் தொழில் அமைச்சகம் தொழில்துறை உரிமையாளர்களுக்கு முழு ஆதரவும் வழங்கத் தயார் என தொழில் மற்றும் தொழில் முனைவோர் மேம்பாட்டுத் துணை அமைச்சர் சதுரங்க அபெய்சிங்க தெரிவித்துள்ளார்.