மாத்தறை ஆடை விற்பனை நிலையத்தில் பாரிய தீ விபத்து

மாத்தறை பொலிஸ் பிரிவுக்குட்பட்ட தர்மபால மாவத்தை பகுதியில் அமைந்துள்ள இரு மாடிக் கட்டடத்தில் இயங்கி வந்த ஆடை விற்பனை நிலையம் ஒன்றில் நேற்று (17) இரவு திடீரென தீ விபத்து ஏற்பட்டது. சம்பவம் தொடர்பில் தகவல் கிடைத்ததையடுத்து உடனடியாக சம்பவ இடத்துக்கு விரைந்த பொலிஸார் மாத்தறை மாநகர சபையின் தீயணைப்புப் பிரிவினர் மற்றும் மாத்தறை இராணுவ முகாமைச் சேர்ந்த அதிகாரிகள் இணைந்து தீயை கட்டுப்பாட்டுக்குள் கொண்டுவரும் நடவடிக்கையில் ஈடுபட்டனர். நீண்ட நேர போராட்டத்தின் பின்னர் தீ முழுமையாக அணைக்கப்பட்டதாக தெரிவிக்கப்படுகிறது.