அமெரிக்கா ஈரான் ஒப்பந்தம் இறுதி நிலையை அடைய இன்னும் சில நாட்கள் பிடிக்கக்கூடும் என அமெரிக்க வெளியுறவு செயலாளர் மார்கோ ரூபியோ தெரிவித்துள்ளார். இதேவேளை அமெரிக்கப் படைகள் தெற்கு ஈரானில் புதிய “தற்காப்பு தாக்குதல்கள்” மேற்கொண்டதாக வாஷிங்டன் அறிவித்துள்ளது. அமெரிக்க அதிகாரிகளின் தகவலின்படி அமெரிக்கப் படைகளுக்கு அச்சுறுத்தலாக இருந்த ஏவுகணை தளங்கள் மற்றும் ஹோர்முஸ் நீரிணையில் கண்ணிவெடிகள் பதிக்க முயன்றதாக குற்றம்சாட்டப்பட்ட இலக்குகள் மீது இந்த தாக்குதல்கள் நடத்தப்பட்டன.

அமெரிக்கா ஈரான் ஒப்பந்தம் உடனடி முன்னேற்றம் கிடைக்கும் என்ற எதிர்பார்ப்புகள் தளர்ந்துள்ளன. எனினும் ஹோர்முஸ் நீரிணை எந்த சூழ்நிலையிலும் திறந்திருக்க வேண்டும் என்றும் அணு விவகாரம் தொடர்பாக காலவரையறையுடன் கூடிய முக்கியமான பேச்சுவார்த்தை வாய்ப்பு இன்னும் இருப்பதாகவும் ரூபியோ தெரிவித்துள்ளார். கத்தாரில் நடைபெற்று வரும் தொடர்பு முயற்சிகள் மூலம் பதற்றத்தை குறைக்கும் முயற்சிகள் தொடர்ந்தாலும் மத்திய கிழக்கில் நிலவும் பாதுகாப்பு நெருக்கடி மற்றும் எண்ணெய் வர்த்தக பாதிப்பு குறித்த உலகளாவிய கவலை மேலும் அதிகரித்துள்ளது.