புதிய போக்குவரத்து சட்டம் அமுல்

வாகனங்களில் பயணிக்கும் போது பாதுகாப்பை உறுதிப்படுத்தும் நோக்கில் ஆசனப் பட்டி (Seat Belt) அணிவதை இன்று முதல் கட்டாயமாக்கியுள்ளதாக தேசிய வீதி பாதுகாப்பு சபை அறிவித்துள்ளது. இதன்படி அனைத்து வாகன சாரதிகளும் மற்றும் முன் ஆசனங்களில் பயணிப்பவர்களும் ஆசனப் பட்டி அணிவது கட்டாயமாகும். மேலும் அதிவேக நெடுஞ்சாலைகளில் பயணிக்கும் வாகனங்களில் உள்ள அனைத்து பயணிகளும், பின் ஆசனங்களில் அமர்ந்திருப்பவர்களையும் உள்ளடக்கி ஆசனப் பட்டிகளை அணிந்திருக்க வேண்டும் என தெரிவிக்கப்பட்டுள்ளது.