BMW கார் மீளஅழைப்பு தொடர்பாக ஆஸ்திரேலியாவில் முக்கிய பாதுகாப்பு அறிவிப்பு வெளியிடப்பட்டுள்ளது. தீ விபத்து ஏற்படும் அபாயம் காரணமாக 2020 முதல் 2025 வரை தயாரிக்கப்பட்ட 10,000 க்கும் மேற்பட்ட BMW வாகனங்கள் மீளஅழைக்கப்பட்டுள்ளதாக அதிகாரிகள் தெரிவித்துள்ளனர்.

பாதிக்கப்பட்ட வாகனங்களில் BMW 2 Series 3 Series 4 Series 5 Series X3 X4 மற்றும் Z4 ஆகிய மாடல்கள் அடங்குகின்றன. இவ்வாகனங்களில் உள்ள Starter Motor Solenoid Switch இல் உற்பத்தி குறைபாடு இருப்பதால் அது அதிகமாக தேய்ந்து உள்புற மின்குறுக்குச் சுற்று ஏற்படுத்தக்கூடும் என தெரிவிக்கப்பட்டுள்ளது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

இந்தக் கோளாறு காரணமாக இயந்திரம் துவங்காமல் போகலாம். மிக மோசமான சூழலில் என்ஜின் அதிக வெப்பமடைந்து வாகனம் இயங்கிக் கொண்டிருக்கும் போது தீப்பிடிக்கும் அபாயமும் இருப்பதாக எச்சரிக்கப்பட்டுள்ளது.

பாதிக்கப்பட்ட வாகனங்களின் உரிமையாளர்கள் வாகனம் இயங்கும் நிலையில் அதை கண்காணிப்பின்றி விட்டு செல்லக்கூடாது என்றும் Remote Engine Start வசதியை பயன்படுத்துவதை தவிர்க்க வேண்டும் என்றும் BMW அறிவுறுத்தியுள்ளது.

மேலும் பாதிக்கப்பட்ட அனைத்து வாகனங்களுக்கும் அங்கீகரிக்கப்பட்ட BMW சேவை மையங்களில் Starter Motor ஐ இலவசமாக மாற்றித் தரப்படும் என நிறுவனம் தெரிவித்துள்ளது. வாகன உரிமையாளர்கள் தங்களது VIN எண்ணை பயன்படுத்தி BMW Recall தளத்தில் தங்கள் வாகனம் பாதிக்கப்பட்டுள்ளதா என்பதை சரிபார்த்து அருகிலுள்ள அங்கீகரிக்கப்பட்ட சேவை மையத்தில் முன்பதிவு செய்து பழுதுபார்ப்பை மேற்கொள்ளுமாறு கேட்டுக்கொள்ளப்பட்டுள்ளனர்.