மத்திய கிழக்கில் ஈரான் மற்றும் அமெரிக்கா இடையிலான பதற்றம் மேலும் தீவிரமடைந்துள்ள நிலையில் உலகின் மிக முக்கியமான எண்ணெய் கடத்தல் வழித்தடமான ஹோர்முஸ் நீரிணையைச் சுற்றி பெரும் அரசியல் மற்றும் இராணுவ நெருக்கடி உருவாகியுள்ளது. அமெரிக்க ஜனாதிபதி Donald Trump ஈரானுடன் நடைபெறும் பேச்சுவார்த்தைகள் இறுதிக்கட்டத்தை எட்டியுள்ளன என்றும் ஒப்பந்தம் தோல்வியடைந்தால் “பெரும் தாக்குதல்” நடத்தத் தயார் என எச்சரித்துள்ளார். இதேவேளை அமெரிக்கா ஈரானின் துறைமுகங்கள் மீது கடற்படை தடையை வலுப்படுத்தியுள்ளதுடன் ஹோர்முஸ் நீரிணையில் கப்பல் போக்குவரத்தும் கடுமையாக பாதிக்கப்பட்டுள்ளது. உலக எண்ணெய் விநியோகத்தின் சுமார் 20 சதவீதம் இந்த நீரிணை வழியாக செல்லும் காரணத்தால், எண்ணெய் விலைகள் வேகமாக உயரத் தொடங்கியுள்ளன.

Iran, அமெரிக்கா மற்றும் அதன் கூட்டாளிகள் மீண்டும் தாக்குதல் நடத்தினால் “புதிய போர்க்களங்கள் திறக்கப்படும்” என எச்சரித்துள்ளதுடன் லெபனானில் ஹெஸ்பொல்லா தொடர்பான பதற்றமும் அதிகரித்துள்ளது. இதற்கிடையில் அமெரிக்கா–இஸ்ரேல் நடவடிக்கைகளால் ஏற்பட்ட மனிதாபிமான பாதிப்புகள் குறித்து சர்வதேச அமைப்புகள் கவலை வெளியிட்டுள்ளன. பல நாடுகள் பேச்சுவார்த்தை மூலம் தீர்வு காண வேண்டுமென அழைப்பு விடுத்துள்ள போதிலும் பிராந்தியத்தில் நிலவும் பதற்றம் உலக பொருளாதாரத்துக்கும் பாதுகாப்பிற்கும் பெரும் அச்சுறுத்தலாக மாறியுள்ளது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042