ஜெர்மனியை சேர்ந்த ஒரு நபர் தனது மரணத்திற்குப்பிறகு லாட்டரியில் சுமார் 6.45 லட்சம் சுவிஸ் ஃப்ராங்க் (700,000 யூரோக்கு மேல்) பரிசு வென்ற சம்பவம் ஆச்சரியத்தை ஏற்படுத்தியுள்ளது. அவர் உயிருடன் இல்லாத நிலையில் கூட இந்த வெற்றி கிடைத்ததற்கு காரணம் அவர் முன்கூட்டியே எடுத்திருந்த லாட்டரி சந்தா (subscription) ஆகும்.
அந்த சந்தா காலம் முடிவடையாமல் இருந்ததால் அவரது எண்கள் மரணத்திற்குப் பிறகும் தொடர்ந்து லாட்டரியில் சேர்க்கப்பட்டன. இதன் விளைவாக அவர் இறந்த சில நாட்களுக்குப் பிறகு லாட்டரி பரிசு கிடைத்தது.
இந்த சம்பவம் ஜெர்மனியின் வெஸ்டர்வால்ட் பகுதியில் நடந்ததாக தெரிவிக்கப்படுகிறது. அந்த நபர் இறந்த பிறகு அவரது குடும்பத்தினர் மரணச் சான்றிதழை சமர்ப்பித்து கணக்கை முடக்கியிருந்தாலும் ஏற்கனவே கட்டணம் செலுத்தப்பட்டிருந்த சந்தா இன்னும் இரண்டு வாரங்கள் செயல்பட்டது. இதன் காரணமாகவே இந்த லாட்டரி வெற்றி சாத்தியமானது என அதிகாரிகள் கூறியுள்ளனர்.
இறுதியில் லாட்டரி நிறுவனம் இந்த பரிசுத் தொகையை அவரது வாரிசுகளுக்கு வழங்குவதாக உறுதி செய்தது. முழு தொகையும் அவரது மனைவிக்கு வழங்கப்பட்டது. குடும்பத்தினர் இந்த பரிசை “இறந்தவரின் கடைசி பரிசு” என்று உணர்ந்ததாகவும் துயரமான சூழ்நிலையில் இது ஒரு ஆறுதலாக இருந்ததாகவும் கூறப்பட்டுள்ளது.
