டிஜிட்டல் திட்டம் – புதிய முறை டிக்கெட் வாங்காமல் பயணிக்கலாம்.

சுவிட்சர்லாந்தின் பொது போக்குவரத்து அமைப்பில் மிகப் பெரிய மாற்றத்தை ஏற்படுத்தக்கூடிய புதிய டிஜிட்டல் திட்டம் விரைவில் சோதனை செய்யப்பட உள்ளது. “Bibo” (Be in – Be out) எனப்படும் இந்த புதிய மொபைல் செயலி பயணிகள் பேருந்து ரயில் அல்லது டிராம் போன்றவற்றில் ஏறி இறங்கும் நேரத்தை தானாகவே கண்டறிந்து பயணத்தின் முடிவில் சரியான கட்டணத்தை கணக்கிட்டு வசூலிக்கும். இதன் மூலம் பயணிகள் முன்கூட்டியே டிக்கெட் வாங்க வேண்டிய அவசியமே இருக்காது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

இந்த திட்டத்தை Alliance Swisspass என்ற அமைப்பு உறுதிப்படுத்தியுள்ளது. ஆரம்ப கட்டமாக ஏப்ரல் மாத இறுதியில் சுமார் 3,000 பேருடன் இந்த முறை பரிசோதிக்கப்பட உள்ளது. இந்த சோதனையின் மூலம் பயண பதிவு துல்லியம் கட்டண கணக்கீடு சரியாக உள்ளதா மற்றும் பயணிகள் இந்த முறையை ஏற்கிறார்களா என்பதைக் கண்டறிவதே முக்கிய நோக்கமாகும்.

இந்த செயலி Bluetooth தொழில்நுட்பத்தை பயன்படுத்தி பயணி எப்போது வாகனத்தில் ஏறுகிறார் எப்போது இறங்குகிறார் என்பதைக் கண்காணிக்கும். அதன் அடிப்படையில் பயணம் முடிந்தபின் தானாக கட்டணம் வசூலிக்கப்படும். இதனால் “டிக்கெட் வாங்குதல்” அல்லது “check-in/check-out” போன்ற சிக்கல்கள் முற்றிலும் நீங்கும் என்று கூறப்படுகிறது.

மேலும் பயணிகளின் தனிப்பட்ட தகவல்கள் பாதுகாப்பாக இருக்கும் என்றும் எந்த மூன்றாம் தரப்பிற்கும் பகிரப்படமாட்டாது என்றும் Swisspass அமைப்பு தெரிவித்துள்ளது. ஆனால் இந்த திட்டம் நாடு முழுவதும் எப்போது செயல்படுத்தப்படும் என்பது இன்னும் தெளிவாக அறிவிக்கப்படவில்லை.

இந்த புதிய முயற்சி வெற்றிகரமாக இருந்தால் உலகளவில் பொது போக்குவரத்து முறைகளில் பெரிய மாற்றத்தை ஏற்படுத்தக்கூடிய ஒரு புரட்சியாக இது பார்க்கப்படுகிறது.